*••┈┈┈┈┈┈┈┈┈┈┈┈┈┈┈••*‏ *⤸إســـڪـࢪيــــــبــ¹⁷ـــت🤎🧋↻* *••┈┈┈┈┈┈┈┈┈┈┈┈┈┈┈••*‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ - صوته حلو في الأذان، صح؟ 'غمضت عينها بـغُلب وزعل' - يـا مريم بقـا!! 'ابتسمت بـحزن وأنا مش قادرة أعيـط' - هنيّالها، هتاخـد شاب مفيـش زيـه .. ربنا يهديهم لـبعض. ☼︎...... - طب بتعيطي ليه الوقتي؟! 'بصيت لها وعيني بتدمع' - على حالي، مكونتش أتمنى إني أهون كدا وأبقى بالحال دا. 'قعدت جمبي وطبطبت عليا' - أنتِ عارفة إن مكانش هينفع تكونوا سوا. 'عيطت من كلمتها' - بس .. بس أنا بحبه! - وهو مش بيحبك. ’بصيت لها لقيتها بتبص لي بـحزم وشدة، بصيت قدامي بـزعل وعياطي زاد، مكانش ينفع يحصل كل دا .. مكانش ينفع!‘ 'قامت من مكانها' - أنا خارجة أساعد خالتي في الغدا، يا ريت تظبطي نفسك وتغسلي وشك وتفوقي. - حاضر... 'خرجت وأنا لسة في مكاني، فتحت الفون وجبت صورته من الأكونت بتاعه' - طب كان ليه كل اللي حصل دا؟! ’قفلت الفون وأنا بعيط، صعبانة عليا نفسي واللي وصلت له .. غسلت وشي وبدّلت هدومي وخرجت قعدت معاهم في المطبخ‘ - معيطة؟ 'بصيت لـماما وهي بتكلمني' - لا بس تعبانة شوية. - تعبانة إيه! دا أنتِ معيطة كإن ميّت لك حد. 'ليل اتكلمت وهي بتشدها لـعند البوتوجاز' - لا يا خالتي هي تعبانة، هتعيط من غير سبب ليه يعني هي هطلة؟ 'وبصت لي وهي بتبرّق بـعيونها' صح ولا إيه؟ - صح، صح يا ليل. - سيبك منها ويلا كملي، بعد ما تحطي الزبدة على النار بتعرفي منين إنها جاهزة للطبيخ؟ ’بصيت لهم وهمّ بيتكلموا، سندت دماغي على طاولة المطبخ وغمضت عيوني .. وكل اللي في بالي إني خسرت وتوهت‘ 'خبطتني على دماغي وقعدت جمبي' - فوقي. 'بصيت لها وأنا بمسح عيوني' - امم؟ - هتفضلي كدا لحد امتى؟ - كدا إزاي؟ - بتعيطي كل ما تيجي سيرته أو تفتكريه مثلا. 'بصيت لها وسكتّ فـكملِت' - هتتخطي امتى؟ 'بعدت عيني عنها' - معرفش... 'بصت لي وسكتت، وأنا فضلت نايمة على الطاولة شوية قبل ما اتكلمْ' - يعني هو كدا خلاص؟ 'بصت لي بانتباه' - أنتِ شايفة إيه؟ - إنه خلاص. - يبقا خلاص يا مريم. ’بصيت لها وسكتّ .. مش هعيط، مينفعش أعيط، أنا عيطت كتير أوي وكفاية لحد كدا‘ - هـنروح المول نشتري شوية حاجات لينا وللبيت، قومي البسي يلا. 'قمت وأنا بـجر رجلي بإرهاق' - حاضر. ’روحنا المول، دخلت هي لـقسم المستلزمات أما أنا فـفضلت برا مستنياها على مقعد قريب من القسم، قاعدة بتفرج على الناس رايحين وجايين .. كل واحد منهم ليه حكاية وكلام جواه محدش يعرف عنه حاجة، كل واحد ليه همومه وحزنه اللي ممكن يشاركه مع أقرب حد ليه وممكن لا...‘ - ممكن أقعد جمبك؟ 'رفعت رأسي ليها وابتسمت' - اتفضلي. 'قعدت جمبي وهي بتطلع حاجة من شنطتها' - شكرًا يا عسّولة، 'طلعت ميدالية صغيرة مكتوب عليها' دي هدية مني ليكِ لإنك سمحتي لي أقعد جمبك. 'فضلت باصة لها شوية لحد ما خدتها منها وأنا مبتسمة' - شكرًا ليكِ. ’بصيت للميدالية لقيت مكتوب عليها 'يعلم الله ما بِك فـلا تحمل همًـا'، ابتسمت لما قرأت الجملة وبصيت لها لقيتها مبتسمة لي‘ - معلش في السؤال ممكن يكون غريب شوية.. - اتفضلي. 'رفعت لها الميدالية' - بـمناسبة إيه؟ 'ابتسمت لي ورجعت بضهرها' - مـكُنتش في أفضل حال فـقررت أنزل أتمشى وأدخل السرور على قلب مسلم علّ وعسى الحزن يخف شوية؟ 'انتبهت لها' - تدخلي السرور على قلب مسلم إزاي بقا؟ - بأي طريقة بقا، مثلا زي ما جبت لك الميدالية دي عشان لو في يوم حسّيتي بالضعف تفتكري إن ربنا معاكِ .. أو ممكن أجيب توفي وسكاكر للأطفال اللي أشوفهم في الشارع 'ضحكت' بس الخطة مش بتنفع أحيانا لإن أهالي الأطفال بيخافوا عليهم وكدا. 'ابتسمت لها' - بس حلوة فكرة الميدالية. 'ابتسمت' - حسّيـت كدا بردو. ’ابتسمت لها ورجعت بضهري، بدأت أسرح في الناس تاني وأتفرج عليهم لحد ما البنت اتكلمت تاني وهي بتحط إيدها على كفّي‘ - أنتِ بخير؟ 'بصيت لها وابتسمت بـغُلب' - لا... 'ملامحها اتبدلت كإنها هتعيط، حاولت تبتسم وهي بـتشد على إيدي كإنها بتقويني' - بس أنتِ قوية وأكيد هتكوني بخير، صح؟ 'بصيت للأرض بـهدوء وعيني بـتدمع' - مـظنش، بس خير أكيد خير. 'سكتت شوية وبعدين اتكلمت بـكسوف' - تحكي؟ ولا سر؟ 'ابتسمت وأنا برفع وشي ليها' - عادي .. كـأي بنت اتجرحت من الحب عادي يعني. - بس الحب مش بيجرح. - لا بيجرح وبيكسر كمان. 'فضلت باصة لي شوية فـاتكلمت وأنا بفرك في إيدي بـتوتر' - مرتبطناش على فكرة، اتكلمنا وكنا أصحاب عادي بس أنا اللي حبيته. - تعرفي إن الصداقة بين الولاد والبنات غلط؟ 'بصيت لها وسكتّ فـكملت' - تعرفي كمان إن ربنا قال في سورة النسـاء: ’فَـانكِحُوهُنَّ بِـإِذْنِ أَهْلِـهِنَّ وَآتُـوهُنَّ أُجُـورَهُنَّ بِـالْمَعْرُوفِ مُحْصَنَـاتٍ غَيْـرَ مُسَافِحَـاتٍ وَلَا مُـتَّخِذَاتِ أَخْـدَانٍ‘، خدتي بالك من 'وَلَا مُـتَّخِذَاتِ أَخْـدَانٍ' ؟ - والمعنى إن مينفعش البنت تصاحب ولد أو العكس ... - ما شاء الله عليكِ عارفة أهو. 'بصيت قدامي بـتوهان' - آه ما أنا اتعلمت. - غلطة واتعلمتِ منها، محدش مش بيغلط بس الغلط إنك تكملي في الغلط وأنتِ عارفة إنه غلط والحمد لله إنك عرفتي وبطلتي. 'اتكلمت وأنا ببص لإيدي' - معادش لينا علاقة ببعض بس ساعات بحس بالضعف وإني تايهة، كنت متعودة على وجوده بس فجأة يومي بقا فاضي من غيره. - امليـه بـطاعة الله والصلاة وقراءة القرآن، قرّبي من أهلك وأصحابك وهتنشغلي عن التفكير فيه لو ركزتي على طموحاتك كمان صدقيني. ’سكتّ شوية ومتكلمتش، مش عارفة أوضح مشاعري واللي حاسة بيه ومحدش هيفهمني أصلا‘ 'حطت إيدها على ضهري وابتسمت' - عارفة إنك بتحبيه ومتعلقة بيه، ومش متقبلة فكرة البعد ولو عرفتي إنه نساكِ وعاش حياته من بعدك هتنهاري لإنك وقفتي حياتك عشانه، بس لـعلّه خير .. ربنـا مش هيجيب لك الحزن إلا وهو سايب لك الفرحة في الآخر أكيد. 'عيوني دمعت ورفعت لها رأسي' - بس ساعات بفقد الأمل، عارفة إن ربنـا هيعوضني بس في بعض الأوقات مش بكون عايزة غيره. - بتعيطي بسببه الوقتي، واللي يخليكِ تمسحي دموعك في نص الشارع أو وسط العامة كدا امسحيه هو كمان. - بس أنا مكتبتوش بالرصاص، لا دا مكتوب بالحبر في الشخصيات الرئيسية، 'اتنهدت' أنا اللي كتبت وأنا اللي هـقرأ. - قولتي لي مرتبطتوش، يعني موعدش بإنه هيفضل معاكِ ولا قال لك بحبك، ولا حتى عشّمك بـحاجة. - ولو حتى كنا ارتبطنا وعشّمني، مكانش ينفع إني أسمح له يقرب مني بـالطريقة دي، أصل اللي في الحرام مش بيدوم وأنا وهو كنا عارفين إن اللي بنعمله حرام وغلط وكملنا فيه. 'اتنهدِت وهي بـتشد على إيدي بـزيادة' - تعرفي إن الدعاء بيغير القدر؟ 'بصيت لها باستغراب' - أيوة، بس إيه العلاقة؟ 'ضحكت وهي بتطلع نوت من شنطتها' - يااه، دا ليه علاقة وثيقة كمان شكلك متعرفيهاش .. 'عطتني النوت ومعاها قلم' امسكي دول، كل يوم اكتبي فيها مشاعرك الإيجابية من قدام والسلبية اكتبيها بالعكس، لحد ما المشاعر الإيجابية والسلبية يتقابلوا في مكان ما في النوت. - والدعاء ماله بـدا؟ - ادعي ربنا يهديـه ويكون من نصيبك لو مقدرتيش تنسيـه، ممكن ربنـا أصلا كاتبه من نصيبك بس قرر يبتليكِ في الأول عشان يختبر قوة إيمانك ويقينك بالله. 'سكتّ شوية فـضحكت لي' - تعرفي إني أول مرة أشوف حد بيحب حد بالشكل دا؟ 'اتنهدت وأنا ببتسم لها' - ولا هتشوفي والله. - لما يتجوزك اعزميني على الفرح بقا. 'ضحكت لها' - لو بقا... ’ضحكت وخبطتني في كتفي عشان أسكت، بصيت لها وابتسمت وفضلنـا نبص للنـاس لحد ما هي اتكلمت‘ - أنا اسمي شـام، وأنتِ؟ - مريـم. - اسمك جميل أوي، والشـاب اللي اتكلمنـا عنه اسمه إيه؟ 'ضحكت' - حمـزة. 'ابتسمت وهي بتبص للسمـا وبتضيق عينها بـتخيّل' - مريـم وحمـزة، طب والله ثنائي حلو 'بصت لي وضحكت' ربنـا يهديـه ويتجوزك. 'ضحكت بـكسوف وبصيت للأرض' - يا رب. ’قعدنـا شوية نتكلم عني وعنها، عرفت حاجات كتيـر عنها وبقينـا أصحاب .. دقايق وليل رجعت تاني‘ 'بصّت لـشام وبعدين أنا' - جيت في وقت مش مناسب؟ 'ابتسمت لها' - لا تعالي، 'شاورت على شـام' دي شـام اتعرفت عليها من شوية .. 'شاورت على ليل' ودي بقا صاحبتي وبنت خالتي اللي قولت لك عنها. 'ابتسمت لها' - شبه بعض أوي كإنكم توأم ما شاء الله. 'ابتسمت لها ليل' - تسلمي يا عسلية. ’اتمشينـا شويـة قبل ما نروح، وهمّ اتصاحبوا وخدوا أرقام بعض .. قبل ما نسيبـها ونمشي لقيتهـا بتنادي لي‘ 'قربت مني وهي بتبتسم كإنها بتطمني' - هتتراضي، والله هتتراضي بـعوض أنتِ نفسك مكونتيش تتخيليه. 'ابتسمت لها' - يا رب يا شـام، يا رب. ’حضنتني وبعدين سلّمت علينـا وإحنـا مشينـا‘ 'كنت ساكتة وأنا ماشية باصة للأرض' - مالك؟ 'رفعت لها راسي' - مالي؟ 'ابتسمت ومسكت إيدي نعدّي الشارع' - أنا واثقة فيكِ إنك هتتخطي حزنك دا، ممكن متقدريش تتخطي الشخص عارفة، بس أكيد حزنك هتتخطيه .. صح؟ 'ابتسمت بـغُلب' - ممـكن... - دا أكيـد! 'ضحكت لها' - ماشي ماشي. - أيوة كدا. ’ضحكت لها وطلعنا للـبيت لقينا ماما وخالتي قاعديـن سوا كـالعادة وأكيد بيـتفقوا على خطط المستقبل اللي معظمها أنا وليل بنفشلها‘ 'قعدت جمبي' - بقولك إيه؟ - امم؟ - هي الأغاني اللي في البيت اللي قصادنا دي بـمناسبة إيه؟ - أي بيت؟ - اللي قصاد البلكونـة بتاعتك. - دا بيـت قمر، ممكن في مناسبـة وكدا. - ممكن، كمان شوية مامتك هتيجي تقول لنـا أصلا. 'ضحكت' - أكيـد، دي مش بتخبي حاجة عننا ما شاء الله يعني. ’قامت من جمبي وراحت ناحية المكتب تكمل مذاكرة، وأنا فضلت ماسكـة الفـون بقرأ عن أبحاث للجامعة‘ 'خبطت على الباب ودخلت' - فاضييـن يا بنات؟ 'بصت لي وضحكت وبعدين كلمتها' - نفضى لك مخصوص يا خالتي، تعالي. 'مدّت لي بطاقـة دعوة' - دي دعوة من صاحبتك قمر على خطوبتها، دعتنـا إحنـا وخالتك وليل. - طب مُـبارك، ربنـا يتمم لهم على خير إن شاء الله. 'قربت من ماما بـضحك' - متعرفيش مين العريس يا خالتي؟ يمكن آخد أخوه. 'ماما بصت لي وهي بتضحك' - متوقعش أخوه ينفعك يا بت. - ليه أصغر مني ولا إيه؟ 'ضحكِت لها' - دا ابن عمـك براء. 'اتنفضت من مكاني' - براء مين؟ عم براء المالكي؟ 'استغربت' - أيوة، والد حمزة .. أنتِ تايهة عنه يعني؟ 'بصيت لـليل' - لا مش تايهة، هـتوه إزاي يعني.. 'اتكلمت بـسرعة وهي بتاخد البطاقة من ماما' - تسلمي والله يا خالتي، معلش هاخد الكارت أشوف الديزايـن. - ماشي يا حبايبي، أنا هـخرج أعمل مع مامتك السلطة لو عايزين حاجة إحنـا موجودين برا. - متحرمش منك أبدا يا غالية والله. ’ابتسمِت لها وخرجت فـليل بصت لي بـسرعة وهي بتقعد جمبي‘ - بت؟ 'بصيت لها' - امم؟ - أنتِ كويسة؟ - شايفة إيه؟ - مش بخير خالص، مش بخير! 'عيني دمعت' - كان لازم أعرف إن دا هـيحصل، 'بصيت لإيدي وأنا بضغط عليها' مكانش هيبص لـواحدة كلمها يعني. 'خبطتني في كتفي' - ويعني إيه كلمتيه؟ ما أنتِ مكونتيش فاهمة أنه غلط ويوم ما عرفتي وفهمتي بعدتي لـمصلحته ومصلحتك! - بس غلطت وأهو بتحاسب على غلطي. - مريم! أنتِ عرفتي غلطك وصلحتيه في أسرع وقت عشان متتعاقبيش عقاب أصعب بعدين .. 'قعدت جمبي' ربنـا كان هـيجازيكِ خير باللي عملتيه عشان يكون راضي عنك. 'بصيت لها وأنا على حافة الانهيار' - يمكن الخيـر مش فيه؟! - ربنـا اللي يعرف أكتر مني ومنك. 'عيطت' - بس أنا مكونتش عايزة غيـره! 'حضنتني وهي بتمسح على ضهري' - اهدي والله كل حاجة هتكون بخير، اهدي.. ’مقدرتش أرد عليها، فضلت أعيط وهي كل شوية تشد على حضنها ليا كإنها عايزة حزني دا ينكمش ويروح، ومن تعبي نمت وأنا دماغي واقفة عن التفكير‘ 'مسحت على راسي' - مريوم. 'فتحت عيني بـهدوء' - في حاجة ولا إيه؟ - لا قومي عشـان الفجر يلا. - طب قايمة أهو. ’قمت من مكاني وأنا ببص حواليا بـاستيعاب، اتوضيت ولبست زي الصلاة وقعدت أقرأ مع ليل قرآن لحد ما الصلاة تبدأ‘ 'وهي بتقفل المصحف' - أعمل لك حاجة دافية لحد ما المؤذن يقول؟ - لا نفسي مسدودة. 'قعدت جمبي وسكتت فـاتكلمت وأنا بسند على كتفها‘ - الخطوبة امتى؟ - أنتِ أصلا هتروحي؟! - قمر اللي دعـتني ومشوفتش منها إلا كل الخيـر يا ليل فـهروح عشان متزعلش مني، دا غير إنها مقدرتش تكلمني عشان فونها اللي وقع منها وإصابة رجلها اللي منعتها تيجي تدعيني في البيت كمان فـلازم أروح عشانها. - مامتها اللي جات تدعي خالتي وأمي؟ - أتوقع اه. - بلاش تروحي. - لا هروح. - أنتِ كدا مش البنت القوية اللي بتعمل موڤ أون بـمواجهة المشكلة، أنتِ كدا بتموتي نفسك بالبطيء يا مريم. - معلـش. 'اتعصبت عليـا' - مش كنتِ بتكرهي الكلمة دي! الوقتي عجبتك؟! - عادي بقا. ’قومت من جمبها وحطيت المصحف في مكانه، قبل ما ألف عشان أبص لها سمعنا صوت المؤذن بيكبر للأذان، جسمي برد كإن وقع عليا ماية باردة في ليلة أبرد .. لفيت لها وفضلنـا باصين لـبعض شويـة قبل ما أنا أتكلم‘ - صوته حلو في الأذان، صح؟ 'غمضت عينها بـغُلب وزعل' - يـا مريم بقـا!! 'ابتسمت بـحزن وأنا مش قادرة أعيـط' - هنيّالها، هتاخـد شاب مفيـش زيـه .. ربنا يهديهم لـبعض. 'زعقت فيّـا وعينها بتدمع' - بس بقـا! اسكتي! اغسلي وشك وتعالي عشان نصلي يـلا! 'كشرت وبصيت لها' - متزعقيش. 'اتنهدت وهي بتشد على إيدها' - روحي يا مريم اغسلي وشك وتعالي. ’اتحركت من قدامهـا وروحت أغسل وشي ورجعت لها بعد شوية‘ - هنصلي وننـام، الساعة 10 هصحيكِ متخافيش أنتِ. - ماشي. ’صليـنا وقعدت شوية على السجادة وسرحت فـلقيتها بتبص لي بـضيق وبعدين زقتني‘ - قومي نامي. - ماشي. ’قومت من مكاني بـتقل كإني هقع من تقل قلبي جوايـا، سندت راسي على المخدة وغمضت عيني وقبل ما أغفى افتكرت الجملة على الميدالية 'يعلم الله ما بِك فـلا تحمل همًـا' فـابتسمت بـحزن ونمت‘ 'وهي بتمسح على راسي' - مريم. 'فتحت عيني لقيتها ماما' - نعم. - قومي عشان تروحي مع ليل تجيبوا فستان للخطوبة النهاردة .. شغل البيت خلصان من امبارح والحاجة مترتبة النهاردة، هطلب أكل من برا عشان أنتِ أكيد مش فاضية وكدا، وليل مستنياكِ في المطبخ. 'ابتسمت لها' - الساعة كام؟ - 9 ونص. - تمام، هقوم أهو.. ’خرجت وأنا فضلت مكاني شوية، بصيت للسقف بـتوهان .. كل حاجة بتروح مني بالترتيب واحدة واحدة .. وأنا مش قادرة أتصرف أو أدافع عن اللي بيروح مني! كل شيء فيا تاه..‘ - أنتِ صاحية؟ 'انتبهت لها' - اه. - كنت داخلة أشوفك، قولت لك هصحيكِ الساعة 10 فـجيت أهو. 'ابتسمت لها' - ماما سبقتك. - خالتي تعمل اللي عايزاه، هتقومي يلا نروح نجيب مستلزمات الجامعة؟ - بس ماما قالت لي هنروح نجيب فستان للخطوبة. 'بصت لي بـحزم' - هنجيب مستلزمات للجامعة يا مريم، قومي. ’بصيت لها بـهدوء ورفعت كتفي بـلامبالاة وقومت من مكاني، غسلت وشي وجهزت ووقفت قـدام المرايـة بتأمل ملامحي اللي بهتت أكتر فـلمحتها واقفة ورايا بتبص لي بـزعل‘ 'قربت مني' - لو شوفته هـخليه يندم على اللي عمله فيكِ والله. 'ابتسمت لها بـغُلب' - هو معملش حاجة يا ليل، مفيـش أي غلط عليه .. مأجبرنيش أحبه ولا أتعلق بيه، ولا عشمني بـحاجة عشان أحط عليـه اللوم. 'بصت لي بـغيظ' - متدافعيـش! يعني مكانش يعرف إن كلامه وتصرفاته تجاهـك هتوصلك لـكدا؟! هو مش صغير يا مريم دا بيفهم أكتر منك. 'غمضت عيني بـعصبية' - خلاص يا ليل يلا نمشي. ’خرجنـا من البيت وهي ماسكة إيدي، كل ما نعدي شارع لازم تشـد على إيدي كإنها بتقول لي إنها جمبي وهتعدي معايا كل حاجة .. روحنـا المول اللي قابلنـا شـام فيه وروحنا قسم مستلزمات الدراسة وقعدت برا في مكـان الانتظار وهي دخلت لوحدها بعد ما رنت على شـام وعرفت إنها برا وممكن تيجي تقعـد معايـا‘ 'قعدت جمبي وهي بتمـد لي آيس كريم' - مدخلتيـش معاهـا ليه؟ 'خدتها منها' - عشـان بخاف من الزحمة وبتخنق. 'بصت ناحية القسم' - كويـس إني جيت أقعـد معاك لحد ما هي تخلص، شكلها هتطول. - اه. 'بصت لي وهي بترجع بـضهرهـا' - وشـك ماله متغير كدا؟ 'بصيت للأرض وبعدين رفعت راسي وبصيت قدامي' - النهاردة خطوبتـه. 'انتفضت' - إيه! 'ضحكت بـوجع' - إيه؟ - مريـم! متهزريـش! - مش بـهزر والله، دا الدعوة كانت في إيدي إمبـارح كمان. 'حطت إيدها على إيدي وإيدها التانية بتحاوطني' - أنتِ بخير؟ 'سكتت شوية وأنا مش قادرة حتى أدمع، كإن حمل العالم كلـه على قلبي ومانعني إني حتى أتكلم' - لا.. 'دمعت وهي بتحضنني' - أنا آسفـة لـقلبك والله. 'ابتسمت لها بـخذلان' - متتأسفيـش، ملكيـش ذنب في أي حاجة حصلت أصلا. ’فضلت ماسكة إيدي شويـة وكل شوية تحضنني وهي بتحاول متعيطش، بصيت لها وهي بتهـون عليـا وابتسمت بـهدوء‘ - هجيب فستـان للخطوبة، عايزاكِ أنتِ وليـل تختاروا معايا فستـان حلو يليـق بيـا. - هتروحي؟! - هـروح.. ’ليل خلصت بعد نص ساعة تقريبـا، كانت شـام هتنام من الصمت اللي كنـا فيه لحد ما ليل رجعت .. لما شافوا بعض ابتسموا وحضنوا بعض وبصوا لي بـقلق من سكوتي فـقومت من مكاني واتكلمت وأنا ماشية‘ - يلا عشـان منتأخرش على الأتيليه. 'بصوا لـبعض بـصدمة واتكلموا في نفس الوقت' - لا! ’مبصيتش ليهم ومشيت، كنت عارفة مكان أتيليه كويس في المول هنا فـروحت له.. كنت دايما أما آجي مع ماما بقف قـدامه وأتخيل نفسي في فستـان من الموجودين هنـاك‘ - وجِـه اليوم اللي هلبـس فيه فستـان من هنـا. - ما بـلاش يا مريم. 'اتكلمت شـام وهي بتقف قدامي' - بتهلكي في روحك ليه؟ 'بصيت للأرض' - مش بهلكـها، أنا بـفوّقها بس. ’سيبتهم ودخلت، تأملت الفساتيـن وأنا مبتسمة كإني ناسيـة الفستـان هيكون بـمناسبة إيه .. لفت انتباهي فستـان لونه أزرق غامق وفيه حبّات لولي مزيّنـاه كإنها نجوم وسط الليل، فضلت باصة له شويـة فشـام وقفت جمبي وبصت له‘ - عجبك؟ - جدا. - نجيبه؟ - يا ريت. 'ليل وهي بتبص لها بـعصبية' - والله؟ 'اتنهدت' - هعمل إيه يعني، كدا كدا أصلا هتعمل اللي في بالها. ’اتنهدوا وهمّ بيبصوا لي بـغُلب أما أنا روحت ناحية الفستان وبدأت أشوفه من قريب فـلقيت بنوتـة من اللي بيشتغلوا في الأتيليه جمبي‘ - ذوقـك لطيف على فكرة. 'ابتسمت لها' - تسلمي لي يا عسولـة، ممكن تجيبيه ليا؟ 'وهي بتخرجه من مكانه' - من عيوني يا قمر، تحبي أجيب لك معاه هيلز يليق بيه؟ 'سكت شوية وأنا بفكر' - إذا كان ينفع فـتمام. 'ابتسمت لي وراحت تجهز الحاجة فـروحت ناحية ليل' - هروح أحاسب، تعالي لي عند الكاشير. ’فضلت باصة لي بـغيظ وهي بتجز على سنانها بـعصبية، بصت لشـام بـعصبية من اللي بيحصل وبعدين جات ناحيتي عند الكاشير وشـام وراها بتحاول تهديها‘ - أنتِ بتعملي كدا ليه؟ 'بصيت لها وسكتت، أخدت شنطة الفستان والحاجة وخرجنـا بعد ما حاسبت' ’روحنـا البيت وشـام معانـا بتمسك في ليل عشان متعملش فيا حاجة، دخلت أوضتي وورايا ليل وشـام .. رميت الحاجة على السرير وقعدت جمبها‘ 'شـام بصت لي وهي بتبعد ليل عني' - ما تفكري تاني يا مريم. - فكرت بدل المرة مليون وهـروح. 'اتعصبت ليل وزعقت' - أنتِ كدا بتقـ'ـتلي روحك بـإرادتك! - مفرقتش. ’سكتنا لما ماما دخلت الأوضة، سلمت على شـام واتعرفت عليها وعزمت عليها تيجي معانا الخطوبة فـمترددتش إنها توافق لأجل إنها تكون معايا‘ 'قعدت جمبي بعد ما ليل راحت تجهز نفسها' - هو ملـوش أخوات؟ 'انتبهت لها' - أخ أصغر منه. - يعني ملـوش بنات. - لا. 'اتنهدت وهي بتبص لـبعيد فاتكلمت وأنا ببص للبيـت اللي قصادنا من البلكونة' - معملش حاجة تترد في أخته يا شـام. - واللي أنتِ فيه دا؟ - غلطتي وبتعلم منهـا، وهتخطاها كمان. ’سكتت ومقدرتش ترد عليـا، دقايق وليل رجعت لنـا بعد ما لبست فستـان أقل ما يُقال فيه إنها محليـاه أوي! كان معاها فستان تاني ومدتـه لـشـام‘ - دا فستـان لقيته عندي لسة ملبستوش، يا ريت يكون مقاسـك. - بس أنا هروح كدا عادي. - لا إزاي؟ لازم تلبسي فستـان زيـنا ونكون شبه بعض. 'ابتسمت لها وخدت منها الفستـان' - تسلمي لي. ’ابتسموا لبعض فـقومت من مكاني وروحت أجهز أنا كمان، الفستـان كان رايق ومنفوش من تحت والنجوم اللي فيه محليـاه أوي، لبست الهيلز اللي كان أبيض ولبست تاج لونه فضي عشـان يليق بيه .. خرجت لهم وأنا بعدل الفستان ورفعت راسي ليهم لقيتهم مبتسمين‘ - أنتِ حلوة كدا إزاي! 'ضحكت لها' - دول عيونك الحلوين. 'ضحكت لي وقربت مني تحضنني' ’دخلت تجهز نفسها وأنا قعدت في البلكونة وسرحت في البيـت اللي قصادنـا فـلقيت ليل قعدت جمبي بـهدوء‘ - أنا مش عايزاكِ تزعلي من طريقتي العصبية، بس أنا والله مـقدرش أشوفك بتروحي مني وأسكت. 'ابتسمت' - فاهمة ومش زعلانة منـك خالص والله يا ليل، عارفة إنك خايفة عليا وعلى مصلحتي وإن تصرفاتي أصلا تعصب وردودك عليا أصلا قليلة على اللي أنا بعمله. ’سكتت وفضلت باصة لي وأنا بتأمل البيـت، دقايق وشـام رجعت وكانت عسولـة أوي في الفستـان .. خرجنـا لماما وخالتي لقيناهم قاعدين مستنيينـا وأول ما شافونا قاموا' - بسم الله ما شاء الله عليكم يا بنات، حلويـن أوي اللـهم بارِك! 'ليل اتكلمت وهي بتلف حوالين نفسها' - بالله شكلي حلو؟ - زي الأميرات وأجمل كمان. ’اتنطت بـسعادة وحضنت مامتـها ونزلنـا، عدينـا الشارع ووقفنا قـدام البيت‘ - معلش يا خالتي بس هي الحفلة دي فين؟ - على السطح. 'بصت لـشـام' - الـڤيو من فوق بيكون جامد، تعالي أوريكِ. ’مسكوا إيد بعض وطلعوا، وماما وخالتي طلعوا وراهم وأنا كل ما أطلع سلمة بـحس قلبي نبضه بـيزيد، حاسة إني اتسرعت بجد .. أرجع طيب ولا أعمل إيه الوقتي! فكرت بدل المرة مليـون بس متوقعتش كل دا يروح كإنه سراب لـمجرد إني أطلع سلمة واحدة بس! طلعنـا وليل وشـام وقفوا عند السور يشوفوا الـڤيو قبل ما العريس والعروسة يطلعوا‘ 'بـتوهان' - عريـس.. ’بصّيت لـمكان العريس والعروسة وتخيلته واقف جمبهـا فـبعدت عيني ووقفت بعيد شوية عن الدوشـة .. كانوا الأطفال بيلعبوا وبيجروا ورا بـعض فـطفل منهم اتكعبل ووقع فـجريت ناحيته وأنا بـقوّمه‘ - أنت كويس؟ 'وهو بينفض هدومه' - اه، بس البنطلون اتبهدل. 'بدأت أمسح له البنطلون' - لا هيكون كويس كمان متخافش، متزعلش أنت بس. 'ابتسم لي وفضل واقف لحد ما نفضت له البنطلون، قبل ما يرجع لأصحابه بص لي وضحك' - أنتِ حلوة أوي، شبه الأميرات اللي مش بتظهر غيـر بالليل مع القمر. ’ابتسمت له فـشاور لي بإيده ورجع لأصحابه، قومت من مكاني ولفيت عشـان أرجع مكان ما كنت واقفة .. لقيت حمزة ساند على السور وبيبص لي بـطريقة غريبة، فضلنـا باصين لـبعض شويـة لحد ما هو ابتسم وبص للأرض واتحرك عشان يعدي من جمبي وقبل ما يبعد اتكلم بـهمس‘ - لسة زي ما أنتِ حضورك بيلغي وجود القمر والنجوم، كإن مفيش شيء مميز غيرك. ’سابني ومشى، فضلـت مكاني متنحة من الكلام .. لفيت أبص له لقيته واقف مع باباه وبيبصوا للسـاعة بـنفاذ صبـر، ثواني وكان ريّـان أخوه واقف جمبهم وبيزعقوا له وهو بيضحك لهم باستفزاز، رجعت جمب ماما وخالتي وإحنـا مستنيين الحفلة تبدأ‘ - باباكِ قال إنه جاي؟ 'انتبهت لها' - والله ما أعرف بس زوج خالتي جاي عشان ليل بعتت له قبل ما نيجي. 'بصت لي بتفهم وسكتت، وبصّت لـمكان العرسان وهي مبتسمة لحد ما لقينـا حمزة جاي يقعد معانـا ووقتها ليل وشـام اجوا وقفوا ورايا' - إزيـك يا خالتو، إيه الحلاوة دي؟ 'ضحكت له وهي بتسلم عليه' - لسة بكّـاش يا واد! دي حلاوة عنيك يا حبيبي. 'ابتسم لها' - تسلمي لي يا لوزة والله، مش عارف من غيرك كنت ضحكت في أم الخطوبة الكئيبة دي إزاي! - ليه كدا يا واد! 'اتكلم بـدراما' - ريّـان جاي متأخر والعروسة لسة بتجهز والناس زهقت، تخيلي إني كل ما أسلّم على حد من المعازيم يقول لي عقبالك وربنا معاك! عشان مخطبتش قبل الأهبل الصغير! 'بصيت له بـصدمة وليل اتكلمت بـسرعة واستغراب' - دي مش خطوبتك أصلا! 'ماما وخالتي ضحكوا من كلمتها وهو بص لها وبعدين بص لي بـصدمة ورجع يبص لها تاني وقام من مكانه بـانفعال وضحك' - هو انتوا جايين على إنها خطوبتي! 'خالتي ضحكت وهي بتقعده جمبها' - اقعد يا قلب خالتك دي هبلة مش فاهمة حاجة. 'بص لي وهو بيحاول يفهم فـبصيت لـبعيد بـغيظ' - إوعي تكوني مفكراها خطوبتي! 'ماما بصت لي وضحكت' - شكلها كانت مفكراها كدا بردو. ’ماما وخالتي كملوا ضحك وهمّ مش مصدقين اللي إحنـا كنا فيه، بصيت لـليل لقيتها هتعيط من الإحراج وشـام بتبص لي بـغيظ كإنها هتضربني .. دقايق والحفلة بدأت فـماما وخالتي راحوا يباركوا لأهل العريس والعروسة وإحنـا لسة مكاننـا‘ 'اتكلم وهو بينام على الطاولة اللي قـدامنا' - بكامل عقلك مفكرة إني هتجوز واحدة تانية؟ ’بصيت لـبعيد ومتكلمتش، مش عايزة أتكلم تاني بالشكل دا .. عايزة يوم ما نتكلم تاني تكون أول كلمة في الحلال مش أكتر ولا أقل، خد باله إني مش عايزة أتكلم فـقام من مكانه وهو بيتكلم‘ - دي خطوبة وكتب كتـاب على فكرة، بما إنكم مـكنتوش تعرفوا حاجة عن الخطوبة غير إنها خطوبة قمر. ’ليل وشـام قعدوا جمبي بـغُلب وهمّ الاتنين بيحاولوا ميضحكوش، لحد ما أنا اللي ضحكت وخبيت وشي بإيدي .. فضلنا بنضحك لحد ما بابا وزوج خالتي إجوا ناحيتنا، سلموا علينـا وبعدين راحوا ناحية مكان الرجالة وقعدوا معاهم هناك، بدأت فقرات الحفلة وكان أقل ما يقال عنها رقيقة وحلوة أوي! كإننا كنا في حفلة ملكية راقية جدا وهادية، كتبوا الكتـاب قبل ما يلبسوا الدبـل، بصيت لـبابا لقيته واقف مع حمزة وبيبصوا لي فـبعدت عنيا عنهم وبصيت لـشـام اللي خدت بالها منهم‘ - تفتكري هيعملها ويكتب كتابك النهاردة زي الروايات؟ - إحنـا مش في رواية، دا غير إن مين قال إني هوافق؟ - نعم؟ إيه اللي بتقوليه دا؟ ’سكتّ وبصيت لبعيد وهي هاين عليها تضربني، ضحكت وأنا ببص لها كل شوية ألاقيها ماسكة نفسها عن إنها تتهور وتعمل فيا حاجة .. ثواني ولقينا بابا جاي ناحيتنا وهو مبتسم‘ - حمـزة طالب القرب، هينوله؟ 'بصيت لـبابا وأنا بحاول أخبي اي رد فعل أهبل ممكن يطلع مني' - اللي حضرتك تشوفه. 'ابتسم ونادى له بـصوت عالي' - افرح يا واد، نولت القرب خلاص. 'نط من مكانه وسقف وهو بيضحك، بص لـباباه بابتسامة' - وافقت أهي، يبقا نكتب الكتـاب بقا. ’دماغي وقفت عند الكلمتين دول، بعدها كل حاجة اتعملت بـسرعة وكتبوا الكتـاب! وسابونا واقفين مع بعض شوية ورجعوا يكملوا فرحة ريّـان وقمر .. بصيت له وأنا مصدومة ومش قادرة أتحرك حتى فـضحك لي‘ - قولي أي حاجة طيب. - رجعت ليه؟ 'بص لي بـصدمة وعيونه وسعت' - إيه؟ - رجعت بعد ما عِشـت حياتك ليه؟ 'سكت شوية وبعدين اتكلم بإحراج' - حاولت أتخطى بس مقدرتش. - حاولت .. 'بصيت له بـحزم' كنت تكمل محاولتك للآخر. - بس أنتِ مش أي حد عشان أتخطاكِ كدا بـسهولة. 'بصيت لـبعيد' - مش حاولت؟ يعني كان في نيّتك. 'بص للأرض وعينه بدأت تدمع' - آسف على كل لحظة زعلتي فيها بسببي، آسف على الوقت اللي ضيعتيه من عمرك في حاجة غلط أنا وأنتِ مكوناش واعيين ليها، آسف على كل حاجة وحشة أثرت عليكِ بالسلب. 'متكلمتش فـبص لي وهو بيحاول يبتسم' - مش مريوم كانت مش بتزعل من حمـزة؟ ’فضلت باصة له شوية ومتكلمتش بس ابتسمت غصب عني فـابتسم لي وهو بياخدني نقف وسط التجمع .. دقايق واشتغلت أغنية نشيد العاشقين فـبص لي وهو متحمس وبيضحك‘ - حلـم عمري تكـوني راضيـة عن وجودي بـس جمبـك. 'ابتسمت له وأنا عيني بـتضيق بـفرحة' - راضية والله، راضية. 'ابتسم لي ووقف قصادي، انحنى زي الأمراء وبص لي بـعيون بتلمع' - تسمحي لي بـرقصة هاديـة .. تسمحي لي بـقربي منـك ..؟ 'مديـت له إيدي وأنا بمسك فستـاني بإيدي التانيـة كإني فراشـة' - أسمح يا سمـو الأميـر .. `إذا اڪملت القراءة ضع تفاعل جميل شبهك يغاليه 💜` *--------------♡--------------* اختم القراءة بذكر الله 💜 * سُبحان الله * الحمدلله * لا إله إلا الله * اللهُ أكبر * سُبحان الله وبحمدهِ * سُبحان الله العظيم * استغفر الله العظيم واتوب إليهِ * لا حول ولاقوة إلا بالله * اللهُم صلِ علي نبينا محمد * لا اله الا انت سبحانك اني كنت من الظالمين