پنجگور اور کیچ میں پاکستانی فورسز پر مسلح افراد کا حملہ جمعہ، 13 جون 2025 / زرمبش اردو https://urdu.zrumbesh.com/19125/ بلوچستان کے اضلاع کیچ اور پنجگور میں مسلح افراد نے دو مختلف حملوں میں پاکستانی فورسز اور ان کی جانب سے نصب کیے گئے کیمروں کو نشانہ بنایا۔ ذرائع کے مطابق ضلع پنجگور کے علاقے چتکان میں قلم چوک پر واقع پاکستانی فورسز کی ایک چوکی پر نامعلوم افراد نے دستی بم سے حملہ کیا۔ حملے کے بعد علاقے میں فائرنگ کی آوازیں بھی سنی گئیں۔ ادھر ضلع کیچ کے علاقے زامران میں ساہ دیم کے مقام پر مسلح افراد نے پاکستانی فورسز کی جانب سے نصب کردہ جاسوسی کیمروں کو نشانہ بنایا۔ ذرائع کے مطابق حملہ آوروں نے کیمرے تباہ کرنے کے بعد فضا میں ایک جاسوس ڈرون کو بھی نشانہ بنا کر مار گرایا۔ تاہم دونوں حملوں کی ذمہ داری تاحال کسی تنظیم نے قبول نہیں کی۔