*احمدآباد* *کا* *حادثہ* *بڑا* *حادثہ* *ہے* ! بہت ہی دردناک حادثہ! ایسے ناگہانی حادثوں سے اللہ کی پناہ مانگنی چاہیے! جہاز میں دو سو سے زائد افراد سوار تھے! الگ الگ طرح کے افراد! الگ الگ مذہب سے تعلق رکھنے والے! الگ الگ خوابوں کے ساتھ جینے والے! یہ تمام افراد لندن جارہے تھے! کچھ بزنس مین رہے ہوں گے! کچھ جاب کرنے والے رہے ہوں گے! کچھ اسٹوڈنٹ رہے ہوں گے! کچھ کے خاندان وہیں آباد ہوں گے! اور کچھ تفریح وسیاحت کے لیے جارہے ہوں گے! جہاز جس عمارت پر گرا وہ میڈیکل کالج کے ہاسٹل کی عمارت تھی! وہاں نہیں معلوم کتنے طلبہ اس حادثے کے شکار ہوئے! یہ تمام طلبہ اپنے ساتھ کتنی امیدیں اور کتنی تمنائیں رکھتے ہوں گے! اپنی ذاتی امنگیں اور تمنائیں! والدین اور گھر خاندان والوں کی امیدیں اور تمنائیں! لیکن! ایک ہی پل میں کیا سے کیا ہوگیا! کتنے خواب چکنا چور ہوگئے! کتنے گھر ویران ہوگئے! کتنے خاندان محروم ہوگئے! کتنی خوشیاں ماتم میں تبدیل ہوگئیں! یہی دنیا ہے! اور یہی اس دنیا کی حقیقت ہے! پل بھر میں سب کچھ ختم ہوجاتا ہے! سب کچھ چکناچور ہوجاتا ہے! سارے خواب! سارے منصوبے! ساری امیدیں! ساری تمنائیں! سب کچھ دھرا کا دھرا رہ جاتا ہے!🥹😢