قاعدة وبقرا فجأة امي عاينت لي قالت لي الله يديك على قدر تعبك رفعت راسي وعاينتا ليها قلت ليها لي على قدر تعبي -تعبي تميز لكمية قراءة تُقدر بساعة على طول الإسبوع او اقل يعني- الله يديني على قدر سِعتو وقعدتا اضحك .. السيناريو ده تقريباً حاصل ف البيوت كُلها وما مُستغرب بتاتا ، بس لوهلة حسيت إنو بغش في روحي نِظام انتِ عايزة تنجحي كيف وانتِ ما بتقدي ومن كدّ وجد وقِمة لا تؤجل عمل اليوم إلى الغد وانتِ بتأجليه لوقت الإمتحان وزنقة الكِلاب ! جات في بالي الآية {ويُحبون أن يُحمدوا بما لم يفعلوا } ليه إحنا بنتسيب السنة كُلها وفي النهاية عايزين ننجح من غير مجهود واضح مبذول في الإمتحانات عموماً كُلنا مقصرين وكُلنا عايزين النجاح بس بذل الجهد والإتقان في العمل والسعي لازم .. انا ما دخلت المجال الفِلاني او الجامعة الفلانية عشان اعمل شُلة ونطلع وننزل وداخلين ومارقين وناكل ونشرب ..حرفياً خاتين خِيار القراية اخر خيار وقمة التساهل فيها ..ماف مجال صعب او قراية صعبة بس احنا اهملنا زِيادة عن اللزوم .. حديث النبي صلى الله عليه وسلم "من عمل عملاً فليُتقنه" وكُلنا مسؤول عن الإتقان ..دكتورنا قال لينا انت مسؤول عن تقديم الأحسن في كل أعمالك ولو حصل انت مُقصر وستُسأل يوم القيامة ! ف ربنا يلهمنا الصّواب ويغفر التقصير ويحضّر القلوب ويرزقنا الإتقان والإخلاص في القول والعمل🌸 #maab_yassir