البوست دا قد يمر عليك .. وما تقراه .. إنت حر لكن أطمع من الله إنو لو قريتو حتحس بالحاجة العايز أوصلها .." عندي صحبي زول عجيب خلاص اللهم بارك .. يتمنى حاجة كدا ربنا يحققها ليه .. اللهم بارك .. والحاجة حسيت إنها ما طبيعية لحدي ما حكى لي عن علاقتو مع الله كيف 💛 قال لي أسمعني في حاجة حقولها ليك بالدارجي .. حديث قدسي قالو الله ذات نفسه ودي براها بتكفيك 💛 الله قال في معنى الحديث : لو الناس الفي الدنيا ديل كلهم من أول واحد ولدوه .. لحدي أخر واحد يموت .. ومعناها الجن والشياطين .. الله قا ل لأي واحد فينا أتمنى عايز شنو ؟ وأي واحد فينا قال أي حلم وأمنية .. بيت .. عربية .. مليون دولار .. طن دهب وأي حلم وأمنية وطموح .. وأي زول قال أي شي .. والناس ديل جت كملو وأي زول شال أمنيتو مش الناس ديل كتار ؟؟! الله قال ليك ما نقص ذلك من ملكي شي إلا كما ينقص المخيط من مياه البحر 💛 يعني بعد الله يحقق لكل زول أمنيتو الهو عايزها ما بنقص من ملك الله شي زي الإبره الدخلوها موية بحر وطلعوها .." إنت متخيل ؟ قال لي أها الله الملكو قدر دا كلو .. لو قلت ليه أديني بيت ما بديني ؟!! وحات الله وحات الله يديني بيت وأنوم قفا كمان .." عجييييب : من عامل الله باليقين عامله الله بالمعجزات 💛 قال لي لو جيت لزول كريييم شدييد وهو كريم لدرجة لو جاهو ضيف وااحد بضبح ليه ناقة .. فجيتو إنت وقلت ليه عليك الله يا فلان أديني منك كوز موية أشربا .. عليك الله جيب موية .. بالله عليك أديني موية .. قال لي مش بقول ليك يا زول ما بتستاهل .. وبديك الموية الساهلة دي ؟ أها والله وتالله وبالله .. الله أكرم من الزول دا في مدت الموية دي ليك إنت .. بس إنت كيف تكون متيقن إنو بديك 💛 ذكرنا الكلام دا ليه ؟ جاياك عشرة أيام من ذي الحجة دخلت الليلة .. الدعاء فيها حاجة عجيبة .. والأعجب إنك تدعوه وإنت بتعاين لربنا بنفس اليقين الفوق دا .." شفت زمان السلف بقولو ما جات عرفة .. ودينا فيها بشي إلا وجات عرفة التانية وأحلامنا الدعينا بيها محققة 💛 ما تفرط يا مولانا .. صلاح حال بتلقى .. زوجة بتلقى .. مال بتلقى والخير راااقد والله خزاينو ملااانة بس إنت أطلب 💛 وخليكم جاهزين عشان حنشتغل فيها شغل خير تقييل ليه ؟ عشان العمل في الأيام دي ما بعادلو حتى الجهاد في سبيل الله 💛 #حذيفه_النعيم