සිංහල සාහිත්‍යය රසාස්වාදය Lesson 16 *වැස්ස 🤍🌻* ✨ප්‍රවේශය:- කවියෙකු, කෙටිකතාකරුවකු, සාහිත්‍යය හා සමාජ විචාරකයෙකු ලෙස ප්‍රකට වූ ගුණදාස අමරසේකරයන් විසින් රචිත මෙම නිර්මාණය අපූර්ව ගුණයෙන් යුක්තය.මේ සඳහා වස්තු විෂය වී ඇත්තේ ඉතා සරල සිද්ධියකි.එනම් , වැසි දිනයක සරල සුලභ අත්දැකීම් සමුදායක් කවියාගේ දෘෂ්ටියට යොමු වී ඇත. මෙමගින් පරිසරයේ සිදුවන විවිධාකාර සිදුවීම් හා එමගින් මිනිසුන් විඳින පීඩාවන් පිළිබඳව පෙන්වා දීම කවියාගේ අරමුණ වී ඇත. ✨ආදර්ශ පද්‍ය: (සාමාන්‍ය ගැමි ව්‍යවහාර බස් වහර) (අනුප්‍රාස වදන් භාවිතය) ⭕"චිචිරි චිරි චිචිරි චිරි උදේ සිට ඇද හැළෙන පොද නොකැඩි තෙත් බරිව හිරිකිතෙන් කිලිපොලන පාර තොට , ගහකොළ ද වසාගෙන හැම අතින වහින වැහි වහින වැහි නො පායන මුළු දවස" (වැස්ස නිසා පීඩාවට පත් ජනයා නිරූපණය කිරීම ) ⭕"ගොහොරු මඩ ඇඟිලිකරු අතර චිරි චිරි ගාන මඩ කඩිති හැම තැනම මඩ පාට දිය රැඳුන අලුත් පස් දැමු පාර දනිහ තෙක් මඩ එරෙන බැනියම ද ඇඟට ඇලි උදේ සිට තෙත බරිව" ⭕"තෙමුණ රෙදි ඇඟ ඇලුණ හබුරු කොළ මලිපිටි ද දෝර ගොස් හැම තැනම වක්කලන් ඇලි හැදුන හැට්ට අත් කඳ කලව තෙත රෙද්ද ඇඟ එතුව වහින වැහි තද හුළඟ නොපායන මුළු දවස " ⭕"ඔළුව කෙස් තෙත බරිව පිට දිගේ වැක්කෙරෙන කාර් රෝදෙන් චිරිස් ඇඟ පුරා මඩ ඉහෙන ආයිමත් හිටි ගමන් තද කරන් එන සැනින වහින වැහි වහින වැහි නො පායන මුළු දවස " ⭕"ගෙදර ගොස් ඇඳපු දේ මොහොතකින් ඉවර කොට තුවායෙන් ඇඟ පතද පිහ දමා හිස කෙස් ද අලුත් සරමක් ඇඳන් උණට උණු තේ වතුර ඇඳෙහි ඉඳ උණුහුමට බොන්නේ කොයි මොහොතේ දැයි වැහි පොදෙහි පෙඟුන සිත හිත හිතා ලතවේය"