आम्ही देव्हारं बाजूला सारलं व्हं.... माझ्या भीमानं बुद्धाला पेरलं व्हं आम्ही देव्हारं बाजूला सारलं व्हं ॥ तेहतीस कोटी देवांचा जथा एकाचा बी लागंना पता हे थोतांडं भीमानं हेरलं व्ह.... आम्ही देव्हारं बाजूला सारलं व्हं ॥ अवतारी बुवा अवतारी माता चमत्काराच्या सांगत्यात कथा अशा भोंदूंचं सत्संग भरलं व्हं.... आम्ही देव्हारं बाजूला सारलं व्हं ॥ राशी भविष्य कुंडली बघा मंगळ शनि देईल दगा त्या भामट्यानं पाठीत मारलं व्ह.... आम्ही देव्हारं बाजूला सारलं व्हं ॥ पंढरीचे बडवे शिर्डी तिरुपती त्रष्टी झाले अहो करोडपती काळ्या पैशाला मथांनी तारलं व्हं…. आम्ही देव्हारं बाजूला सारलं व्हं ॥ कर्मकांडाचं डोई हे वझं माणूसपणाला केलंया खूजं अंधश्रेद्धेनं माणसाला घेरलं व्हं…. आम्ही देव्हारं बाजूला सारलं व्हं ॥ धर्म बनवला अफूची गोळी धर्माची त्यांनी बांधली टोळी ह्या टोळीनं माणसाला मारलं व्हं…. आम्ही देव्हारं बाजूला सारलं व्हं ॥ भोंदूगिरीला मारून ठोसा विज्ञानाचा घेऊन वसा डोकं भानावर ठेवायचं ठरलं व्हं.... आम्ही देव्हारं बाजूला सारलं व्हं ॥