📌 *വിദ്യാർത്ഥികളുടെ ശ്രദ്ധയ്ക്ക്* സർവകലാശാലയുടെ വിവിധ പ്രോഗ്രാമുകളുടെ നിരന്തരമൂല്യനിര്‍ണ്ണയത്തിന്റെ ഭാഗമായുള്ള അസൈൻമെന്റ് സമർപ്പണം Online Mode-ൽ ആയിരിക്കും. ചുവടെ ചേർത്തിട്ടുള്ള വിവിധ ഇൻടേക്കിലെ അസൈൻമെന്റുകളുടെ സമർപ്പണം സംബന്ധിച്ച നിർദ്ദേശങ്ങൾ ഉൾപ്പെടുത്തിയ സർക്കുലർ 10/06/2025 ന് പുറപ്പെടുവിച്ചിരുന്നു. (1 ) ഇൻടേക്ക് 2 (2023 ജനുവരി അഡ്മിഷൻ) യു.ജി. നാലാം സെമസ്റ്റർ (2) ഇൻടേക്ക് 3 (2023 ജൂലൈ അഡ്മിഷൻ) യു.ജി./പി.ജി. മൂന്നാം സെമസ്റ്റർ (3) ഇൻടേക്ക് 4 (2024 ജനുവരി അഡ്മിഷൻ) യു.ജി. B.C.A മൂന്നാം സെമസ്റ്റർ ഓൺലൈനായി സമർപ്പിക്കുന്നതിന് സാങ്കേതികമായോ പ്രയോഗികമായോ ബുദ്ധിമുട്ടുകൾ നേരിടുന്ന പഠിതാക്കൾക്ക് അസൈൻമെന്റുകൾ ഓഫ്‌ലൈനായും LSC കളിൽ സബ്മിറ്റ് ചെയ്യാവുന്നതാണ്. അങ്ങനെ ഓഫ്‌ലൈനായി അസൈൻമെന്റുകൾ LSC കളിൽ സമർപ്പിക്കുമ്പോൾ പഠിതാക്കളുടെ സ്റ്റുഡന്റസ് ഡാഷ്ബോർഡിൽ അസൈൻമെന്റ് സമർപ്പിക്കുന്ന - Mode of Submission – Offline Mode ആയി തിരഞ്ഞെടുത്തിട്ടുണ്ടോ എന്ന് ഉറപ്പു വരുത്തിയ ശേഷം മാത്രമാണ് കോർഡിനേറ്റർമാർ അസൈൻമെന്റുകൾ സ്വീകരിക്കേണ്ടത്. അല്ലാത്ത പക്ഷം ടി പഠിതാക്കളുടെ അസൈൻമെന്റുകൾ മൂല്യനിർണയം നടത്തി മാർക്കുകൾ രേഖപ്പെടുത്താൻ സാധിക്കില്ല. Offline Mode തിരഞ്ഞെടുത്തതിന്റെ Screenshot പ്രിന്റ് ഔട്ട് ഉം അസൈൻമെന്റുകളോടൊപ്പം സമർപ്പിക്കാൻ പഠിതാക്കൾക്ക് നിർദ്ദേശം നൽകേണ്ടതാണ്. *പരീക്ഷാ കൺട്രോളർ*