Sirna Hajjii bara kanaatiif hayyoonniifi du'aatonni 300 ol ramadaman Spider Media : Zul-Hijjaa 2/1446 Sirna Hajjii bara 1446ffaa kanaatiif hayyoonniifi namoonni da'awaa godhan 300 ol ramadamuun ibsameera. Ministirri Ministeera Dhimmoota Islaamummaa Sa'uudii Sheyik Doktar Abdulaxiif sirna hajjii bara kanaatiin hujjaajota kallatti akeekuufi barsiisuuf hayyoonniifi namoonni da'awaa godhan 300 ol ramadamaniiru jechuu Ejensiin oduu Sa'uudii gabaaseera. Namoonni kunneen bakkoota qulqulluutti fatawaa fi barnoota kan kennan akkasumas deeggarsa barabachisaa hujjattootaaf kan dhiheessaniidha. Sochiin kun qaama karoora bara 2030'tti bakkoota qulqulluutti milkeessuuf qabamee yoo ta'u raawwii sirna hajjii qajeelchuufi tajaajila keessuummeessaa milkeessuuf hubannoon uumuufi haala raawwii sirna hajjii hujjattoota mijataa gochuuf kan gargaaru ta'uun himameera. Dabalataan Ministeerri Fayyaa Sa'uudii rakkoo fayyaa waktii Hajjiitti mudatu kamuu sirnaan to'achuuf akka dandeessisuuf ogeeyyii fayyaa gahaa kan ramade yoo ta'u, ogeeyyiin fayyaa kunneen afaa Arabaa, Ingilizii, Faransaay, Urduu, Indooneezhiyaa, Faars fi Turkish dubbachachuu kan danda'aniidhas jedhameera. © #amartemam Nu hordofaa: YouTube https://youtube.com/@Spidermedia1 Facebook https://www.facebook.com/SpiderMedia01 Telegram channel https://t.me/spidermediaa >#spidermedia