*غزني کې د کانګو ناروغۍ په اړه سیمینار جوړ شو* غزني، د غبرګولي ۱۳مه، باختر د غزني ولایت د اطلاعاتو او کلتور ریاست د ځوانانو چارو آمریت له لوري د زراعت او وترنري انسټیټیوټ په همکارۍ د کانګو ناروغۍ په اړه یو علمي او دپوهاوي سیمینار دائیر شو. یاد سیمینار چې د اطلاعاتو او کلتور ریاست ښوونیز مرکز کې ترسره شو، موخه‌یې د زده‌کوونکو او عامو وکړو د پوهاوي لوړول وو. په سیمینار کې استاد رفع‌الله مشعل او استاد عبدالجمیل هجرت د ناروغۍ څرنګوالي، د خپرېدو لاملونو، خطرونو او د وقایې او کنټرول د لارو چارو په اړه ګډونوالو ته معلومات ورکړل. د غونډې تنظیموونکو د سیمینار له ګډونوالو وغوښتل چې له ورته علمي سیمینارونو څخه ګټه پورته کړي او د زراعت، مالدارۍ او ټولنیزو برخو کې خپل معلومات پراخ کړي. ورته سیمینارونه د ځوانانو د علمي پرمختګ، عامه پوهاوي او له خطرناکو ناروغیو سره د مبارزې په برخه کې مهم ګڼل کیږي، چې د اطلاعاتو او کلتور ریاست مسوولین یې د دوام ډاډ ورکوي. د ویلو ده چې کانګو تبه یوه خطرناکه او وژونکې ساري ناروغي ده، چې عموماً د کنه (ticks) یا د ناروغ حیوان د وینې، غوښې او بدني مایعاتو سره د تماس له امله انسان ته ان