السلام عليكم ورحمة الله وبركاته زي م وعدتكم المرة الفاتت اننا في البوست دا حنعرف كيف نحمي نفسنا من التعلق و كيف نتخطاهو ... أولاً ي جماعة عشان نحل كل مشكلة في الدنيا دي محتاجين نعرف أسبابها و من أسباب التعلق هي:- * تجارب الطفولة المؤلمة ، الطفولة دي واحدة من أهم مراحل حياة الإنسان ف طبيعي لما يكون في اهمال عاطفي او اي تجارب سيئة زي فقدان واحد من الوالدين او شي زي كدا بتلقى الواحد بيتعلق بسرعة عشان يملأ الفراغ العاطفي دا . * قلة الثقة بالنفس ودي بتخلي الواحد يتعلق بكل الناس اللي ف وجودهم هو بحس بثقة و كمال و تقدير . * الخوف من الفقد او الهجر ، بتلقى الواحد بيتعلق بزول معين عشان هو خوفاً من إنه يخسره. * الاعتماد على العلاقات على انها مصدر للسعادة ، بتلاقي الواحد بيتعلق بإنسان بمجرد م إن هو حس نفسه سعيد معاه . * أخيرا و ليس آخراً ضعف العلاقة مع الله لما الإنسان يكون بعيد عن ربه ببقى هش و أكثر تعلقاً بالأشياء الدنيوية. طيب الحلول؟!... 1_ ختو ف بالكم إنو ربنا غيور على عباده عشان كدا أي زول بيتعلق بحاجة غير ربنا بيبتليه بيها ف إنت ك زول واعي و عارف عواقب الغلط دا ليه تمشي ليه برجولك؟؟؟. 2_ ي جماعة نختها قااااعدة ف حياتنا ف اي يوم و اي لحظة جيت تحب حاجة او حسيت انك بتميل لحاجة اقعد مع نفسك و فهمها إن ما ينفع حبك للحاجة دي يملأ قلبك و يتجاوز حبك لربنا ولو حسيت ولو 1% إن الشي دا ممكن يحصل ف أبعد من الحاجة دي و اتذكر من ترك شيئا لله عوضه خيرا منه . 3_ اتعلموا دايماً انكم لمن تدعوا تدعوا إن ربنا ما يعلق قلوبكم بغيره و يملأ قلوبكم بحبه و علقوا نفسكم بالطاعات أذكروا ربنا كتيييير و خلو قراءة القرآن شي ثابت ف يومكم علقوا قلوبكم بالصلاة و كدا بتلقوا إنكم و بدون م تتعبوا قادرين تختوا حدود بينكم و بين الحاجات الدنيوية 4_ نسعى دائماً لاننا نعزز ثقتنا بنفسنا و نقدر ذاتنا و نبني علاقات صحية مبنية على الاحترام المتباااااااادل و الاستقلاااااال . طيب لو انا اتعلقت بغير ربنا و حصلت مراحل بعيدة أعمل شنو؟!!.... في اللحظة اللي انت بتدرك فيها انك متعلق ترجع لربنا على طووول لأن هو ملجأك الوحيد و ماف زول بحلك ف بادر بالتوبة و ابعد قدر المستطاع عن الحاجة الانت متعلق بيها و ادعي ربنا و حسن علاقتك بيه و اتذكر دايما ماف زول ولا في حاجة في الدنيا دي تستاهل نتعلق بيها ولا نفضلها على ربنا و اتذكر انك كل م طولت و عملت رايح من الموضوع ، التخطي حيكون أصعب و حتدفع عمرك و نفسيتك ثمن الحاجة دي و م تقول بتأذَّى لو حاولت أتخطى لأن زي م قلت ليكم المرة الفاتت التعلق دا زي الحفرة اللي حولينها زجاج و سكاكين ف إنت مهما عملت حتنجرح و إنت بتطلع منها و تاني أذكركم إنها دنيا و كل اللي عليها فاني و م يستحق تعلقنا إلا رب العباد و كونوا حريصين على نفسكم و م تمشوا للموت برجولكم . و اتذكروا دايماً من تعلق بالله نجى و من تعلق بغيره غرق. و ربنا يحفظنا و يحفظكم و يملأ قلوبنا بحبه .🤍 #دعاء #الدعم_النفسي #مبادرة_نحنا_معاك