في زول من وهو صغير مبدع في الرسم، ورسوماته بتبهر أي زول. وواحد تاني ما كان بعرف، لكن بدأ يتعلم ويتدرب، لحدي ما وصل مرحلة أي زول يشوفو بكون قايلو اتولد فنان. الأول دا عندو *موهبة* الرسم بالفطرة، حاجة وهبها ليه رب العالمين. أما التاني دا، *اكتسبها* اكتساب… بقت *مهارة* عنده. حصل سألت نفسك: شنو الفرق بين *الموهبة* و*المهارة*؟ - *الموهبة*: شيء فطري، بتولد بيه. - *المهارة*: شيء مكتسب، بيتطور بالتدريب والممارسة والاجتهاد والمثابرة. هل ممكن واحد متعلم مهارة يغلب الشخص العندو موهبة؟ *إيوا، ممكن*… إذا الشخص المجتهد اشتغل على نفسه، والموهوب قاعد ساي ما بيتطور. يعني باختصار يا ظريف: *عندك موهبة؟* ما تقعد ساي وتقول "خلاص أنا زول واو"، طوّرها واستثمر وقتك في تنميتها. *ما عندك موهبة؟* ما تقول "أنا ما موهوب أعمل شنو؟"، لا… اشتغل على نفسك، وطوّر مهاراتك، في فرصة ليك. ناس كتيرة فاهمة غلط… *الموهبة ممكن توصلك للبداية، لكن المهارة بتخليك توصل للنهاية.* واتذكّر إنو ربنا سبحانه وتعالى قال: *"إن الله لا يغير ما بقوم حتى يغيروا ما بأنفسهم"* [الرعد: 11] ابدأ، جرّب، اتعلّم، واستمر... ومع الوقت بتصنع فرق وتغيير حقيقي.🤍 عمرك ما تقعد ساي ما معقولة الناس كلها بتتحرك والعالم كله بتطور.... وإنت حايم من ريلز لي ريلز من موقع لي موقع .....ويا ريت لو في حاجة مفيدة. ......انك تكتسب مهارة في الزمن دا ابسط شي عايز انك تحاول بس ويكون عندك رغبة 🤍 في مواقع كتيرة.... زي كورسيرا مثلاً ممكن تستفيد منها وغيره كتير . Chat gpt 🤝 قاعد بدل تتونس معاه ساي بدون فايدة وريه مهارة عايز تتعملها وهو بضع ليك خطة كويسة وبديك مواقع تستفيد منها من الاخر كدا بظبطك يعني 😂🤍. #الدعم_النفسي #مبادرة_نحنا_معاك