*السلام عليكم ورحمة الله وبركاته ♡♡* أعراض الكوليرا الكلنا عارفنها و مرت علينا ( غثيان و قيء و جفاف و اسهال مائي شديد ) .. الأعراض دي بتهظر في مدة كم ساعه لي يومين كدا .. *لكن السؤال البطرح نفسو لي الأعراض دي م بتظهر طوالي 🤔؟؟!* اول م البكتريا تدخل جسمك ؛ سواء كان عن طريق مويه ملوثه او اكل كاشف و م اتسخن او انت يدينك كانت وسخانه من الاساس ، المهم اياً كانت الطريقه.... البكتريا دي عندها فترة اسمها فترة الحضانة ( *incubation period*) يعني اول م تدخل جسمك ي عزيزي الإنسان حتدخل بي اعداد قليله و حتبدأ تتكاثر في هدووء تان و كمان حتفرز سمها *cholera toxin* وانت م حتحس بي أي أعراض لحدي م كمية السم د تحصل لي مستوى يكون قادر انو يؤثر علي خلايا الأمعاء( للأسف حتي البكتريا و الفيروسات بنجزو في صمت الا بني البشر الما عندهم شغله غير الكلام و النضمي) . المهم اول م السم يبدأ يشتغل بغير في طريقه عمل خلايا الأمعاء و بخليها تطرد كميات كبيره من المويه و الاملاح و النتيجه حتكون : *اسهال مائي غزير* *جفاف* *ترجيع* انت في منطقه ظهر فيها الوباء لازم لازم تعمل حسابك واكيد م حتنتظر لحدي م الأعراض دي تظهر عليك.... في أعراض كدا اول م تحس انها جاتك خت في بالك انها كوليرا حتي لو هي كوليرا (*Treat as cholera until proven otherwise*) 1.عدم ارتياح في البطن. 2.غثيان خفيف او رغبه في التقيؤ. 3.اسهال بسيط ( مائي لكن غير شديد ). 4.علامات بدايه الجفاف. 5.تعب مفاجئ او خمول . اول م تظهر ليك الأعراض دي انت مصاب و يجب عليك اخد الإحتياط *1.تتعزل عن الناس .* *2.تبدا تاخد محلول ORS ( لو م عندك في البيت المحلول د ممكن تجيب نص معلقه صغيرة ملح و 6 معالق صغيرة سكر في لتر بتاع مويه تكون نضيفه لازم تكون نضيفه و م حيفرق اذا باردة او سخنه ) و تشرب كل شويه حتي لو م عطشان .* *3.تراقب العلامات الحيويه زي الضغط و النبض والوعي.* الحاجات دي مهمه لانو في ناس ممكن يكون طبيعين لكن بعد كم ساعه ينهارو فجأه بالذات الأطفال و كبار السن و الناس المناعتهم ضعيفه . عشان الكلام م يبقي كتير نكمل الباقي في بوست جديد و حاول وصل المعلومة لأكبر عدد ممكن من اصحابك و ناسك وأهلك بالذات الناس القاعدين في الخرطوم و ام درمان و الحتات المتفشي فيها المرض♡♡ *يتبع...* #سلامتك_أولوية #معاً_لنشر_الوعي #الدعم_النفسي #مبادرة_نحن_معاك