أها ظاهرة طبيعية؟؟. السلام عليكم ورحمة الله وبركاته. زلزال أول ظاهرة طبيعية ، تاني ظاهرة طبيعية ، تالت ظاهرة طبيعية ، عاصفة ظاهرة طبيعية ، دا برضو ظاهرة طبيعية؟؟؟ ، إنت بتغش ف نفسك؟؟؟ لا بالمنطق كدا خليك معاي بتغش ف نفسك؟؟ م هو م طبيعي ديل كلهم و في الفترة البسيطة دي يكونوا ظواهر طبيعية صح ولا لا؟؟؟ و في ناس ماخدة هظار و بتقول ليك أنا ليه م حسيت بيه و م عارف شنو بدل تحمد ربها على الشي دا، الحاجة دي م لعب يخوانا دا غضب بشيلك يوديك ل الله و تقول يا ليتني و يا ليتني . في عهد الصحابة رضوان الله عليه مرة حصل زلزال ف سيدنا عمر رضي الله عنه جمع الناس و خطب فيهم و وعظهم و كمان قال ليهم :( لئن عادت لا أساكنكم فيها ) و كان بقصد انو الزلزال دا حصل بسبب كثرة الذنوب و المعاصي و بقول ليهم لو حصل تاني م بقعد معاكم عشان انتو ناس ذنوبكم و معاصيكم كثيرة و دا كان زلزال واحد ف إتخيلوا معاي كمية الزلازل اللي قاعدة تحصل هسي دي ، و برانا شايفين حال الأمة هدانا الله و ثبتنا على دينه و شايفين كيف الناس بقت بتاعت دنيا و بعيدة عن ربها ف أكيد ربنا غضبان علينا غضب شدييد و الزلازل دي بتحصل عشان تذكرنا بقدرة ربنا و تذكرنا بالرجوع لله. و الزلازل لو م عارفين ي جماعة من علامات الساعة النبي صلَّ الله عليه و سلم قال :( لا تقوم الساعة حتى يُقبض العلم ، و تكثر الزلازل، و يتقارب الزمان، و تظهر الفتن ، و يكثر الهرج) و دا كلو حتصل سلمنا الله ف ياااا جماعة راجعوا نفسكم اي معصية اي ذنب انتو كنتو بترتكبوه و لو كان صغير و انتو م خالين ليه بالكم أبعدوا عنه و أرجعوا لربنا وتوبوا و الموت م بنتظر زول ف ارجعوا لربكم و حافظوا على صلواتكم و اذكاركم و وردكم من القرآن و اعرفوا عن دينكم اكتر و اكتر عشان تتجنبوا المعاصي و إتذكروا ي جماعة ان والله هي دنيا و فااااااانية م تستحق نضيع وقتنا عليها و نعمل حاجات م بتفيدنا و كمان بتجيب لينا ذنوب و نخسر الدنيا و الآخرة. و أخيرا هدانا الله و إياكم و أبعدنا عن الحرام و الفتن و أبعدها عنَّا و ثبتنا على دينه و حفظنا و دا دعاء يتقال وقت الزلازل الله لا حوجَّكم ليه :(اللهم لا تقتلنا بغضبك ولا تهلكنا بعذابك و عافنا قبل ذلك) و يستحب الإكثار من الاستغفار. #دعاء #الدعم_النفسي #مبادرة_نحنا_معاك