السلام عليكم ورحمة الله وبركاته حياكم الله وبياكم جميعًا 🤍. اليوم اعذروني ح أنحاز شويه واوجهة كلامي للبنات، عايزة نتكلم من أخت لاختها فاستسمحك بدقائق من وقتك ي عسل انا ما عارفة وضعك حاليا كيف كويسه ولالا متضايقة ولا عاملة رايحة ندمانه على الي فات ولا راضيه لكن اسمعيني كويس وما تمشي كلامي على الفاضي لاني ما قلتو الا حرصاً على مستقبلك، كلنا عارفين انو الزمن ماشي وكل دقيقة من يومنا مخصومه من عمرنا انتي كـ بنت بذات عندك خيارين ي تستثمري وقتك في طريق ينفعك ويرفعك ي تخليه يضيع بحاجات ما ح تفيدك لا في دنياك ولا آخرتك شوفي ي عسل كل دقيقة تضيعيها في حاجه ما تنفع مستقبلك ح تندمي عليها انتي بنت وما عندك مستقبل غير قرايتك ما تكوني آميه وتقولي لي بعرس وتبني مستقبلك على وهم اوعك تقللي من نفسك وتكوني قاعدة على رحمة زول كوني نفسك بنفسك عشان صدقيني في نهاية طريقك ما عندك الا نفسك خلي قرايتك من أولوياتك لأنها مفتاح مستقبلك وسندك في الأيام الجاية العلم ما بيخذل وما بيخون وما بيضيع صاحبو بالعكس هو سلاحك الوحيد!، كل دقيقة بتقضيها في فهم حرف هي طوبه بتبني بيها مستقبلك ليه تهدمي حياتك عشان حاجات مؤقته؟؟ ياخي السوشيال ميديا سراب وهم بيسرق منك أغلى ما عندك وقتك، تركيزك، وطاقتك وفي النهاية؟ تكتشفي إنك ضيعتي وقت كان ممكن يغير اشياء كثيييييييييرهه، وصحباتك والناس الي تحبيهم مهما كانوا قريبين منك هم ناس عااابرين اليوم معاكِ وبكرة حياتهم تتغير ويمشوا لكن مصيرك؟ أنتي الوحيدة المسؤوله عنه أي شي تاني تقدري توقفيه ولما ترجعي تلقيه زي ما هو الريلز، البودكاست، التيك، حساباتك كل شي ما ح يهرب منك لكن امتحاناتك؟ ما بترجع ولو عدتيها ح تكوني ضيعتي سنة من عمرك وسلبتي طاقتك ونفسيتك على الفاضي، العمر ماشي وما ح يقيف عشانك فاختاري نفسك اختاري تعب اليوم عشان راحة بكرة الكلام دا يمكن سمعتيه كثير لكن ما اشتغلتي بيه ف ياريت تصحي ي ماما انتبهي تطيحي في دوامة ما تعرفي تطلعي منها الندم حار والله شوفي الايه دي في قوله تعالى (حَتّىٰ إِذَا جَاءَ أَحَدَهُمُ الْمَوْتُ قَالَ رَبِّ ارْجِعُونِ * لَعَلِّي أَعْمَلُ صَالِحًا فِيمَا تَرَكْتُ) الآية دي تحكي عن الندم عن الناس الي بتضيع عمرها في ملهيات الدنيا ولما الموت يقرب تتمنى ترجِع بس عشان يعملو عمل صالح ينفعهم في الاخره، وهنا نفس القصة كل شي يضيع وقتك ممكن يدخلك في ذنوب انتي في غنّى عنها لكن قرايتك ح تبعدك عن الي حولك وح تقربك من نفسك وح تعملي لربك لانك ح تكوني مركزه بس في الجانب الديني والعلمي انتي عارفه انو طلب العلم من أعظم الأعمال الصالحة الرسول صلى الله عليه وسلم قال (من سلك طريقًا يلتمس فيه علمًا سهّل الله له به طريقًا إلى الجنة) انتي ما قاعدة تقري بس عشان تنجحي إنتي بتقري عشان تطوري نفسك وعشان تعيشي بكرامتك وتكوني رافعة راسك عشان ما تحتاجي احد عشان تصرفي على نفسك وتحققي احلامك الي كل سنة تاجليها عشان مافي زول يستصغرك عشان تثبتي نفسك انتي ما جيتي في الدنيا دي عبث ي ماما اصحي من الوهم الي انتي فيه قومي عشان نفسك لانك تستحقي لسه الوقت ما فاتك ولسه عندك فرصه تقومي من جديد لسه انتي ف عمر الزهور حتى لو ذبلتي قومي غيري عتبتك عشان الحياه مره وحده وانتي تستاهلي تعيشيها صح كوني انتي بس ولوني حياتك انا واثقة فيك قومي ي وصية الرسول انتي تقدري🤍. #وجدان_ابراهيم😔🤍. #الدعم_النفسي #مبادرة_نحنا_معاك