🎯 *VT ബൽറാം* ബിജെപിക്ക് മുൻപ് ആർഎസ്എസിന്റെ രാഷ്ട്രീയ രൂപമായിരുന്ന ജനസംഘവും പിന്നെ കുറേ കോൺഗ്രസ് വിരുദ്ധരും ചേർന്ന് രൂപീകരിച്ചതായിരുന്നു അന്നത്തെ ജനതാ പാർട്ടി. അതിലെ മറ്റ്‌ ആർക്കുള്ളതിലും കൂടുതൽ പ്രത്യയശാസ്ത്ര ബന്ധം ഉള്ള ആളുകൾ ജനസംഘക്കാരായിരുന്നു. ജനസംഘക്കാർ ഒരു കാലത്തും ആർഎസ്‌എസുമായുള്ള ബന്ധം വിച്ഛേദിച്ചിരുന്നില്ല. ‌ആർഎസ്‌എസിന് അവരുടെ മേലുള്ള പിടി ഒരുകാലത്തും അയഞ്ഞിരുന്നുമില്ല. മഹാത്മാഗാന്ധിയെ കൊന്ന ഫാഷിസ്റ്റ് പ്രത്യയശാസ്ത്രത്തിന്റെ വക്താക്കളായിത്തന്നെയാണ് അവർ ആദ്യം ജനസംഘക്കാരായതും പിന്നെ ജനതക്കാരായതും ഒടുവിൽ ബിജെപിക്കാരായതും. അവരെയാണ് ഇപ്പോൾ നിലമ്പൂരിലെ യൂട്യൂബ് പ്രഭാഷകൻ ചതുരവടിവിൽ ന്യായീകരിക്കുന്നത്. ബിജെപിക്ക് നിലമ്പൂരിൽ സ്ഥാനാർത്ഥിയുണ്ടാവില്ല, അഥവാ ഉണ്ടെങ്കിൽത്തന്നെ പേരിനൊരാൾ എന്ന നിലയിൽ മാത്രമായിരിക്കും എന്നത് ഉറപ്പുവരുത്തിയതിന് ശേഷം മാത്രം സിപിഎം-ഹിന്ദുമഹാസഭ സ്ഥാനാർത്ഥിയായി കളത്തിലിറങ്ങിയ മഹാവായനക്കാരൻ ഇനിയും പുതിയ ന്യായീകരണങ്ങളുമായി വന്നേക്കും. അതെന്ത് തന്നെയായിരുന്നാലും, അറേബ്യയിലെ ഏത് സുഗന്ധദ്രവ്യമുപയോഗിച്ച് കഴുകിയാലും രാഷ്ട്രപിതാവിന്റെ ചോരക്കറ കയ്യിൽ പുരണ്ടവരേയും അവരെ ഓരോരോ ന്യായം പറഞ്ഞ് കാലാകാലങ്ങളിൽ പിന്തുണച്ചവരേയും കൃത്യമായി തിരിച്ചറിയാൻ കേരളത്തിന് കഴിയും. നിലമ്പൂരിന് പ്രത്യേകം കഴിയും. *Join WithUs*⭐ *രാജാജിഹാൾ-IUML* https://whatsapp.com/channel/0029VaezIBiGE56sExzvEc0e