Rëndësia e Namazit dhe Rreziku i Lënies së Tij Falënderimi i qoftë Allahut, Zotit të botëve. Salavatet dhe selamet qofshin mbi të Dërguarin e Tij, Muhamedin sal-lAllahu ‘alejhi ue sel-lem, mbi familjen, shokët dhe të gjithë ata që ndjekin rrugën e tij deri në Ditën e Gjykimit. Vëllezër të nderuar! Tema e sotme është një nga temat më madhore në fenë tonë: namazi – shtylla e dytë e Islamit dhe lidhja jonë e përditshme me Allahun. Do të flasim për rëndësinë e tij, si dhe për rrezikun e madh që paraqet lënia apo neglizhenca ndaj tij. Pjesa 1: Argument nga Kur'ani Allahu i Madhëruar thotë: {فَخَلَفَ مِنْ بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا * إِلَّا مَنْ تَابَ وَآمَنَ وَعَمِلَ صَالِحًا فَأُولَئِكَ يَدْخُلُونَ الْجَنَّةَ وَلَا يُظْلَمُونَ شَيْئًا} (Merjem: 59–60) “Pastaj pas tyre erdhën pasardhës që e humbën namazin dhe ndoqën epshet; ata do të kenë dënim të rëndë. Përveç atyre që pendohen, besojnë dhe bëjnë vepra të mira – ata do të hyjnë në xhenet dhe nuk do t’u bëhet padrejtësi.” Pjesa 2:Argument nga Hadithi I dërguari i Allahut sal-lAllahu ‘alejhi ue sel-lem ka thënë: «إنَّ بيْنَ الرَّجُلِ وبيْنَ الشِّرْكِ والْكُفْرِ تَرْكَ الصَّلاةِ» “Mes njeriut dhe shirkut e kufrit është lënia e namazit.” (Transmeton Muslimi, nr. 82 – Sahih) Ky hadith është një paralajmërim i fuqishëm nga i Dërguari i Allahut. Ai tregon se namazi është kufiri ndarës mes besimit dhe mosbesimit. Dobi dhe kuptime të hadithit 1. Namazi është bazë e fesë: Pas dëshmisë së besimit, namazi është shtylla më e rëndësishme e Islamit. 2. Lënia e namazit me mohimin e detyrimit(obligueshmërisë )të tij është kufër (mosbesim) me konsensusin (pajtimin) e dijetarëve. 3. Lënia e tij nga përtacia apo neglizhenca është kufër që të nxjerr nga feja, sipas shumë dijetarëve dhe është transmetuar konsensus i sahabëve për këtë. 4. Kush e fal nganjëherë dhe e lë nganjëherë, është nën kërcënimin e ndëshkimit(sipas disa dijetarëve) Pjesa 4: Disa forma të lënies së namazit që konsiderohen rrezik Lënia e tij plotësisht *Moskujdesi dhe neglizhenca ndaj rregullsisë së tij *Vonesat nga koha e caktuar *Mospërmbushja e kushteve dhe shtyllave të tij #thirrje për reflektim Vëllezër dhe motra! Mos e neglizhoni namazin. Ai është rruga e shpëtimit në këtë botë dhe në botën tjetër. Mos lejoni që përtacia, angazhimet apo dëshirat e dynjasë t’ju largojnë nga kjo shtyllë e fesë. #kush ka qenë neglizhent, le të #pendohet sot dhe të kthehet tek Allahu. Ai që ruan namazin e tij, le ta ruajë edhe më shumë dhe le t’i ftojë të tjerët në këtë rrugë të drejtë. #lutje O Allah, bëna prej atyre që e falin namazin në kohë, me përkushtim dhe sinqeritet. Na ruaj nga përtacia dhe mosrespektimi ndaj këtij adhurimi madhështor. Na e prano pendimin dhe na bën prej banorëve të xhenetit! Amin! Hoxhë Muharrem Jakupi Na ndiqni në Whatsapp: https://whatsapp.com/channel/0029Va9rTxd1CYoKUeB4Ms0m Na ndiqni në Telegram: https://t.me/perkujtim_vellazeror