بر زمین امام الکلام ، *فریاد امتی جو کرے حال زار میں*..... لمحات زندگی کے، وہی ہیں شُمار میں آقا۔۔۔۔۔گزار آئے جو تیرے دیار میں ارضِ مدینہ دیکھ ذرا لمسِ یار نے کیا حُسن بھر دیے ترے گرد و غبار میں کیوں کر فلک نُما نہ لگے خطۂ بقیع تارے جَڑے ہوئے ہیں تری ریگ زار میں خوشبو نکھر کے آئے گی ہر ایک شعر سے پڑھ کر درود پھونکیے لفظوں کے ہار میں جو چاہو عرضِ حال کرو ان سے مومنؤ وہ اب بھی باحیات ہیں اپنے مزار میں کوئی نویدِ صبحِ زیارت مرے کریم پتھرا گئیں ہیں آنکھیں شبِ انتظار میں اُس دم بھی اُن کی یاد ہی وجہِ قرار ہو جس دم ہوں مولا سانسیں مِری انتشار میں سب کچھ دیا ہے مالکا طیبہ بھی بخش دے کیا شئے نہیں کریم ترے اختیار میں سرکار ایک چشمِ تلطّف کی بھیک دیں نوریٓ بھی سر جھکائے کھڑا ہے قطار میں ندیم نوری ۔۔۔۔۔۔ www.NaatAcademy.com/Join