*گوادر پورٹ کی جانب بڑی پیش رفت: افغان ٹرانزٹ ٹریڈ میں دوسرا بحری جہاز کامیابی سے لنگر انداز!* گوادر: علاقائی تجارت اور ٹرانزٹ کے میدان میں گوادر پورٹ ایک بار پھر توجہ کا مرکز بن گیا ہے۔ آسٹریلیا کے ٹاؤنزویل بندرگاہ سے 20,000 میٹرک ٹن ڈی-ایمونیم فاسفیٹ (DAP) کھاد لے کر آنے والا بحری جہاز *MV ASL ROSE* گوادر پورٹ پر کامیابی سے لنگر انداز ہو گیا۔ یہ افغان ٹرانزٹ ٹریڈ کے تحت گوادر پر آنے والا *دوسرا بڑا جہاز* ہے، جس سے ظاہر ہوتا ہے کہ گوادر اب صرف ایک بندرگاہ نہیں بلکہ خطے کے لیے *ابھرتا ہوا تجارتی مرکز* بنتا جا رہا ہے۔ یاد رہے کہ اس سے قبل *MV Beyond 2* نامی جہاز بھی فروری 2025 میں گوادر پہنچ چکا ہے۔ گوادر پورٹ اتھارٹی کے چئیرمین *شاہ عرفان احمد* نے اس کامیابی کو خطے کے لیے خوش آئند قرار دیتے ہوئے کہا کہ: > “گوادر پورٹ کی بڑھتی ہوئی سرگرمیاں اس بات کا ثبوت ہیں کہ یہ بندرگاہ عالمی معیار کی سہولیات سے لیس ہے، جو نہ صرف افغانستان بلکہ مستقبل میں وسطی ایشیا کے لیے بھی ایک قابلِ اعتماد تجارتی راہداری بن سکتی ہے۔” یہ پیش رفت *ECC* کے اس فیصلے کے بعد ممکن ہوئی جس میں افغان ٹریڈ کے لیے *بینک گارنٹی کی شرط ختم* کر دی گئی، جس سے کاروباری طبقے کو مزید سہولت ملی ہے۔ یہ ترقی پاکستان اور افغانستان کے درمیان اقتصادی تعلقات کو مضبوط بنانے اور گوادر کو ایک *عالمی سطح کے ٹریڈ ہب* بنانے کی جانب ایک اہم قدم ہے۔ *گوادر، اب خواب نہیں، حقیقت بن رہا ہے۔*