ملتان تھانہ پاک گیٹ پولیس کی کارروائی: اقدام قتل کے مقدمے میں مطلوب اشتہاری ملزم گرفتار ملتان: سی پی او ملتان صادق علی ڈوگر کی ہدایت پر اشتہاری مجرمان کے خلاف جاری کریک ڈاؤن کے دوران تھانہ پاک گیٹ پولیس نے بڑی کامیابی حاصل کرتے ہوئے اقدام قتل کے مقدمے میں مطلوب اشتہاری مجرم شہزاد عرف ندا بلوچ کو گرفتار کر لیا۔ ملزم نے اپنی ساتھی کے ساتھ مل کر محمد داؤد ولد وسیم کو پسٹل سے فائر مارکر زخمی کیا تھا وجہ عناد یہ تھی کہ محمد داؤد اور اشتہاری ملزم شہزاد عرف نادا کی وقوعہ سے 01 روز قبل موٹر سائیکل آپس میں ٹکرانے پر توں تکرار ہوئی تھی یہ اہم کارروائی ایس پی سٹی مہر سعید کی نگرانی ڈی ایس پی حرم گیٹ کبیر خان کی سربراہی میں ایس ایچ او تھانہ پاک گیٹ فیضان قیوم نے سب انسپکٹر قیصر حمید اور اپنی دیگر ٹیم کے ہمراہ عمل میں لائی ۔ پولیس ٹیم نے جدید ٹیکنالوجی اور انٹیلیجنس بیسڈ معلومات کی مدد سے کامیاب حکمت عملی اپناتے ہوئے ملزم کو گرفتار کیا، جو طویل عرصے سے قانون کی گرفت سے فرار تھا۔ سی پی او ملتان صادق علی ڈوگر نے پولیس ٹیم کی کارکردگی کو سراہتے ہوئے ہدایت کی کہ اشتہاریوں اور جرائم پیشہ عناصر کے خلاف بلا تفریق کارروائیاں جاری رکھی جائیں۔ انہوں نے کہا کہ عوام کے جان و مال کا تحفظ پولیس کی اولین ترجیح ہے اور اس مقصد کے لیے تمام وسائل بروئے کار لائے جا رہے ہیں۔ گرفتار ملزم سے مزید تفتیش جاری ہے۔