👩🏾‍⚕️ *MEDAM, ANN PA KONTINYE FÈ KÒ NOU SOUFRI !* *Soutyen ak fè anndan l pa bon ditou pou sante w !* ❌ Men kèk rezon poukisa nou ap ankouraje w sispann mete soutyen ki gen sipò an metal (fè) : 🔴 Li pa konfòtab : Soutyen ki gen fè peze sou lestomak ou, anba tete w, epi li ka fè w santi w pa alèz pou respire. 🔴 Li ka deranje sikilasyon likid nan kò a : Fè a ka peze sou gangliyon ak veso lenfatik ki anba bra ou, sa ki ka anpeche kò a fè drenaj natirèl li. Rezilta ? Tete w Gonfle, doulè, ak enflamasyon. 🔴 Li ka bay doulè nan tete : Pandan règ, oswa menm chak jou, soutyen ki sere ak fè konn mete presyon sou tisi sansib yo. ✅ Ki solisyon? Chwazi soutyen san fè, ki pi lejè, pi dou, pi natirèl pou kò ou. Pa pè chwazi sa ki bon pou ou, pa sèlman sa ki “bèl” selon sosyete a. 💬 Nan Klinik Sante Fanm, nou la pou raple w : Konfò ou se dwa ou. Sante ou se libète ou. 👉🏾 Pataje ak sè ou, zanmi w, manman w. Ansanm n ap fè plis fanm konprann kò yo epi pran swen tèt yo jan yo merite