👨🏾‍⚕️ MESYE, GEN ABITID K AP TOUYE SPÈM NOU AN SILANS! 😱 Ou panse w an sante, men èske ou konnen gen bagay ou fè chak jou k ap detwi spèm ou san w pa menm remake? 😟 Sante spèm ou se kle pou w ka fè pitit 🍼. Kalite ak kantite yo dwe nòmal. Malerezman, gen anpil abitid nou genyen ki afekte sa. Men 10 konpòtman pou w evite si w vle ogmante chans ou pou w fè pitit 👇🏽 1️⃣ Mete rad ki twò sere 👖 Lè w mete slip kole oswa jeans sere, w ap ogmante chalè nan zòn tèsikil yo. Spèmatozoyid yo bezwen tanperati ki pi fre pase rès kò a pou yo devlope byen. 👉🏽 Chwazi boksè ki nòmal sou ou, rad ki konfòtab. 2️⃣ Twòp ekspozisyon ak chalè 🔥 Beny cho regilyèman oswa kenbe laptop sou janm ou lontan ka ralanti pwodiksyon spèm yo. 👉🏽 Evite ekspozisyon sa yo. 3️⃣ Strès kontinyèl 😫 Strès deregle òmòn ki kontwole pwodiksyon spèm yo. Li ka diminye libido ak bon kalite relasyon seksyèl yo. 👉🏽 Dòmi ase, fè aktivite ki detann ou: lapriyè, medite, fè spò. 4️⃣ Fimen 🚬 Tabak bese kantite spèm yo, ralanti yo, epi lakòz yo mal fòme. 👉🏽 Sispann fimen pou amelyore sante repwodiktiv ou. 5️⃣ Bwè alkòl depase 🍻 Twòp alkòl deregle òmòn gason yo epi afekte kalite spèm yo. 👉🏽 Limite kantite w ap bwè, sitou si w vle fè pitit. 6️⃣ Mal manje 🍔🍬 Twòp manje gra, sik, manje ki gen pwodwi chimik … pa bon pou spèm yo. 👉🏽 Manje fwi pito, legim, pwason, ak grès natirèl (omega 3).... 7️⃣ Pa fè aktivite fizik 🚶🏾‍♂️ Sedantarite = pi move kalite spèm. 👉🏽 Mache, fè ti spò regilyèman, men evite eksè. 8️⃣ Pran medikaman oswa "pwodwi mirak" san kontwòl 💊 Gen antibyotik, estewoyid, medikaman depresyon, ak pwodwi sou entènèt ki ka detwi spèm ou. 👉🏽 Toujou konsilte yon doktè anvan ou pran nenpòt bagay. 9️⃣ Pa dòmi ase 😴 Pa byen dòmi ka deregle òmòn yo epi afebli fonksyon repwodiktif la. 👉🏽 Dòmi 7 a 8 èdtan chak swa. 🔟 Twòp ekspozisyon ak pwodwi chimik 🧪 Pestisid, plastik, solvan, e menm kèk pwodwi kosmetik gen toksin ki afekte òmòn yo. 👉🏽 Evite ekspoze ak pwodwi sa yo, chwazi opsyon natirèl. 💡 Pa bliye🙌 Swen tèt ou jodi a, se espwa yon pitit demen! 💙