"பணம் படைக்கும் கலை" புத்தகம் எதைப்பற்றியது? யாருக்கானது? இது பணத்தைச் சம்பாதிக்கிற, செலவு செய்கிற, வருங்காலத்துக்குச் சேமிக்கிற (அல்லது சேமிக்க விரும்புகிற) எல்லாருக்குமானது. ஒருவர் தன்னுடைய முதல் சம்பளத்தைக் கையில் வாங்குகிற கணத்திலிருந்து அவருக்குப் பணம் தொடர்பாக என்னவெல்லாம் தெரிந்திருக்கவேண்டுமோ அனைத்தையும் இந்தப் புத்தகத்தில் விளக்கமாகச் சேர்த்திருக்கிறேன். இன்னும் குறிப்பாகச் சொல்வதென்றால்: * சம்பளம் என்பது என்ன? அதன் பகுதிகள் என்னென்ன? அவற்றை எப்படிப் புரிந்துகொள்வது, பயன்படுத்திக்கொள்வது? * சம்பளத்தோடு வரக்கூடிய பிற வசதிகள் என்னென்ன? அவற்றை எப்படிப் புரிந்துகொள்வது, பயன்படுத்திக்கொள்வது? * மாதச் சம்பளம் இல்லாதவர்கள் (சொந்தத் தொழில் செய்கிறவர்கள், Freelancers) போன்றோர் தங்கள் பண ஓட்டத்தை எப்படி ஒழுங்குபடுத்தலாம்? * காப்பீடு ஏன் தேவை? எந்த அளவுக்குத் தேவை? அதில் வரக்கூடிய சிக்கல்கள் என்னென்ன? அவற்றைத் தவிர்பப்து எப்படி? * பணத்தைப் பொறுத்தவரை ஒவ்வொருவரும் கண்டிப்பாகப் பின்பற்றவேண்டிய அடிப்படைப் பழக்கங்கள், செயல்திட்டங்கள் என்னென்ன? * செலவு செய்வது கட்டாயம்தான். ஆனால், அதை அறிவார்ந்தமுறையில் செய்வது எப்படி? தேவையானபோது கட்டுப்படுத்துவது எப்படி? * கடன் நல்லதா? கெட்டதா? அதைப் பயன்படுத்திக்கொள்ளும்போது நினைவில் வைக்கவேண்டிய விஷயங்கள் என்ன? * கடன் அட்டை (கிரெடிட் கார்டு) நல்லதா? கெட்டதா? அதைப் பயன்படுத்திக்கொள்ளும்போது நினைவில் வைக்கவேண்டிய விஷயங்கள் என்ன? * சேமிப்பை எங்கெல்லாம் முதலீடு செய்யலாம்? அவை ஒவ்வொன்றிலும் இருக்கும் நன்மை, தீமைகள் என்ன? * நிதித் திட்டமிடல் என்பது என்ன? அதை நாமே செய்யலாமா? அல்லது, வல்லுனரிடம் செல்லவேண்டுமா? * நிதி மேலாண்மைக்கு ரொம்ப நேரம் பிடிக்குமா? இதைப்பற்றி ஒன்றும் தெரியாதவர்கள்கூட அடிப்படைப் புரிந்துகொள்ளலுடன் இதை அணுகுவது எப்படி? சுருக்கமாக, நம் பணத்தை நாமே கையாள்வதற்கான, அதை வளர்த்துச் சரியாகப் பயன்படுத்திக்கொள்வதற்கான ஒரு கையேடு இது. விறுவிறுவென்று கதைபோலப் படிப்பீர்கள், புரிந்துகொள்வீர்கள். ஆனால், அதன்பிறகுதான் இந்தப் புத்தகத்தின் உண்மையான பயன் தொடங்குகிறது. எப்போதும் மேசைமீது வைத்து அவ்வப்போது படித்துப் பயன்படுத்திக்கொண்டே இருப்பீர்கள். 'பணம் படைக்கும் கலை' புத்தகத்தை முன்பதிவுத் திட்டத்தில் 30% தள்ளுபடி விலையில் வாங்க, கீழே உள்ள இணைப்பைப் பயன்படுத்திக்கொள்ளுங்கள். இந்தச் சலுகை மே 31வரைதான்.