🎯 *പാണക്കാട് സയ്യിദ് സാദിഖലി ശിഹാബ് തങ്ങൾ* ‘നീ വായിക്കുക, നിന്നെ സൃഷ്ടിച്ച നാഥന്റെ നാമത്തില്‍’ മാനവലോകത്തിന് ഖുര്‍ആന്‍ നല്‍കിയ ആദ്യത്തെ അധ്യാപനം തന്നെ വായനയുടെ പ്രധാന്യത്തെ നിര്‍വചിക്കുന്നതായിരുന്നു. പുതിയ കാലത്ത് വായനയുടെ വിശാല ലോകത്തേക്ക് തുറക്കുന്ന കുറെയേറെ ജാലകങ്ങളുണ്ട്. പുസ്തകങ്ങള്‍ മാത്രമല്ല, സാമൂഹ്യമാധ്യമങ്ങളും മനുഷ്യനെ വായിപ്പിക്കുകയാണ്. മനുഷ്യനെ രൂപപ്പെടുത്തുന്നതിലും അവന്റെ ഭാഗദേയം നിര്‍ണയിക്കുന്നതിലും വായനക്ക് വലിയ പങ്കുണ്ട്. അതുകൊണ്ട് എന്താണ് വായിക്കുന്നതെന്നും പ്രധാനമാണ്. നിരന്തരമായി വ്യാജങ്ങളും വെറുപ്പും വായിക്കുന്ന മനുഷ്യരുടെ മുന്നിലെ ലോകവും അതുതന്നെയാകും. നല്ല മനുഷ്യനായി പരിവര്‍ത്തിക്കപ്പെടാന്‍ നല്ല വായനകളിലേക്ക് തിരിച്ചുപോകണം. അക്ഷരങ്ങളുടെ കൂട്ടുകാര്‍ക്ക് വായനാദിനാശംസകള്‍ നേരുന്നു.