*‘एआय’द्वारे ऊस उत्पादकता वाढीसाठी ‘व्हीएसआय’मध्ये सोमवारी चर्चासत्र* ➖➖➖➖➖➖➖ दिनांक : 7-June-25 सौजन्य : अॅग्रोवन ➖➖➖➖➖➖ कृत्रिम बुद्धिमत्ता (एआय) तंत्राच्या आधारे राज्यातील ऊस उत्पादकता वाढविण्यासाठी वसंतदादा शुगर इन्स्टिट्यूटमध्ये (व्हीएसआय) सोमवारी (ता. ९) चर्चासत्राचे आयोजन करण्यात आले आहे. बारामती येथील ॲग्रिकल्चर डेव्हलपमेंट ट्रस्ट, व्हीएसआय, महाराष्ट्र राज्य सहकारी साखर कारखाना संघ व वेस्ट इंडियन शुगर मिल्स असोसिएशन (विस्मा) यांनी संयुक्तपणे या उपक्रमाचे आयोजन केले आहे. ‘व्हीएसआय’च्या मांजरी बुद्रुक येथील मुख्यालयात सकाळी ११ वाजता होत असलेल्या या चर्चासत्राला माजी केंद्रीय कृषिमंत्री शरद पवार, उपमुख्यमंत्री अजित पवार,कृषिमंत्री माणिकराव कोकाटे, सहकारमंत्री बाबासाहेब पाटील मार्गदर्शन करणार आहेत. राज्यातील सहकारी व खासगी साखर कारखान्यांचे अध्यक्ष, उपाध्यक्ष, कार्यकारी संचालक, शेतकी अधिकारी, जिल्हा मध्यवर्ती सहकारी बॅंकांचे अध्यक्ष, पदाधिकारी व प्रयोगशील शेतकरी या चर्चासत्रात सहभागी होत आहेत.राष्ट्रीय सहकारी साखर कारखाने महासंघाचे अध्यक्ष हर्षवर्धन पाटील, साखर संघाचे अध्यक्ष पी. आर. पाटील, ‘विस्मा’चे अध्यक्ष बी. बी. ठोंबरे, महाराष्ट्र राज्य सहकारी बॅंकेचे अध्यक्ष विद्याधर अनास्कर, ॲग्रिकल्चर डेव्हलपमेंट ट्रस्टचे विश्‍वस्त व ‘सकाळ माध्यम समूहा’चे अध्यक्ष प्रतापराव पवार यांच्यासह कृषी आयुक्त सूरज मांढरे, साखर आयुक्त सिद्धराम सालीमठ व सहकार आयुक्त दीपक तावरे या वेळी उपस्थित राहणार आहेत.ॲग्रिकल्चर डेव्हलमेंट ट्रस्टमधील कृत्रिम बुद्धिमत्ता विभागाचे तज्ज्ञ व ‘व्हीएसआय’मधील शास्त्रज्ञ या वेळी ‘एआय’चे सादरीकरण करतील. तसेच एआयआधारे ऊसशेती करणारे प्रयोगशील शेतकरी मनोगत व्यक्त करतील. एआयचा वापर सामान्य शेतकऱ्यांपर्यंत पोहोचविण्यासाठी यावेळी ॲग्रीकल्चर डेव्हलपमेंट ट्रस्ट, ‘व्हीएसआय’मध्ये सामंजस्य करार होतो आहे. ➖➖ *राज्यातील प्रमुख बाजारपेठेतील पिकांचे बाजारभाव व मोफत गावनिहाय हवामान अंदाज माहिती. पिक सल्ला आणि समस्या,कृषी योजना माहिती कृषी बातम्या,खतसाठा ,माहितीसाठी कृषिक अॅप नक्की खालील (प्ले स्टोअरच्या) लिंक वरुन डाउनलोड करा*. 📱📱📱 ‪‪‪‪‪‪‪‪‪‪‪‪‪‪‪‪https://play.google.com/store/apps/details?id=com.rtc.krushik&hl=en_IN&gl=US