*د چاپېریال ساتنې کمپاین* کاردان پوهنتون، د کابل ښاروالۍ د تنظیف ریاست په همکارۍ د کابل ښار په څلورمه ناحیه کې، د "سالم چاپېریال، سالمه ټولنه" تر سرلیک لاندې د چاپېریال ساتنې کمپاین ترسره کړ. د دې کمپاین موخه، د چاپېریال ساتنې په‌اړه د خلکو د عامه پوهاوي لوړول، د پاکوالي فرهنګ ته وده ورکول او د ځوانانو ټولنیز مسؤولیت پېژندل و. په دې پروګرام کې لسګونه استادانو، محصلینو او د تنظیف ریاست کارکوونکو ګډون کړی و. کاردان پوهنتون، په هېواد کې د ممتاز تحصیلي بنسټ په توګه، تل هڅه کوي چې د چاپېریال ساتنې فرهنګ ته وده ورکړي او د خپل ټولنیز رسالت په ترسره کولو کې مخکښ پاتې شي.