#صاحبنا_كان_هيقلب_الفرح_مسرحية_كوميدية طبعا ناس كتير من اللي متابعيني عارفين قصيده #عارفه_يامه في يوم حضرت فرح حد من اخواننا وكان والدته مريضه في البيت ما قدرتش تحضر الفرح وهو كان متاثر بسبب كده فطلب مني ان انا اتكلم كلمه وطلب مني اني اقول قصيدة طيب ماشي خير حاضر من عيني لكنه طلب قصيدة عارفه ياما قصيده فيها شجن وممكن يكون فيها عياط وطبعا لا تتناسب مع مقام الحال احنا في فرح فقلت له مش هينفع فألح عليا وانا امام طلبه ده وافقت فالقصيده مطلعها عارفه ياما كل ما اجي اكتب كلام او شعر فيكي مش بلاقي مش بلاقي حروف تعبر او توفي حبي ليكي واشتياقى كل ما اجي اكتب ايديا والقلم ما يطوعونيش اجي ادور جوه قاموس المشاعر المعاني تقول ما فيش وهكذا الى اخر القصيده اللي انتم عارفينها لكن المفاجاه بقى ان مع كل مقطع بكرر كلمه عارفه ياما العريس ابتدت عينه ترغرغ بالدموع والموقف بقى يعني محزن وفي عز الحزن ده كده وانا بقول القصيده ومتقمس الدور فيها جدا بقول كلمة عارفه ياما ففي مجموعه من الشباب اللي قاعدين في الفرح طبعا جايين يفرفشوا وقاعدين في المسجد وكده واحد منهم رد عليا وانا بقول عارفه ياما فقال لي 🤣🤣🤣🤣🤣🤣 ايوه يا ابني طبعا انا كنت هانفجر من الضحك مسكت نفسي بالعافيه كان حته موقف لا أحسد عليه القصيده محزنه والعريس بيعيط وده طالع في النص يقول لي ايوه يا ابني بصراحه كانت حاجه صعبه قوي بعد لما خرجنا أنا وآخوكم #عصام_عرفة عيطنا من كثر الضحك 🤣🤣🤣🤣🤣🤣 واحنا ماشيين فى الشارع #الشاعر_علاء_عرفة