*د پنځمي ناحیې د شورا میاشتنۍ ناسته تر سره سوه.* دهلمند مرکز لښکرګاه ښاروال الحاج حافظ صدیق صاحب په هدایت د پنځمي ناحیې د شورا سره میاشتنۍ ناسته تر سره سوه. د شوراګانو ناستي د لښکرګاه ښاروالۍ د ښاری حکومتولۍ آمر ملا فیض الله اخند، د پنځمي ناحیې عمومي مدیر، د شوراګانو مدیر او د شورا غړو ترمنځ تر سره سوه. غونډه د قران عظیم الشان د مبارکو ايتونو په تلاوت سره پیل سوه. د ښاري حکومتولۍ آمر ملا فیض الله اخند د شورا د غړو څخه وغوښته چي د ښاروالۍ سره د عامه پوهاوي په برخه کښې همکاري وکړي او همدارنګه د سیمي اوسیدونکو ته د صفائي محصول پر وخت د ورکړي سپارښتنه هم وکړي. د غونډي ګډونوالو یو شمېر موضوعات د مسؤولینو سره شریک کړه. ناسته د اختتامیه دُعا په ویلو سره پای ته ورسېدل. نېټه:۱۴۴۶/۱۲/۲۰ هــ ق هلمندولایت مقام درسنیو او معلوماتو مرکز.