https://whatsapp.com/channel/0029Va8v6sl7IUYaVaa0Rc0F Lullabies Written by Berlin 0712025728 Chapter 14 *Diana* "Rega nditsvage zvima push ndikubuditse" akadaro Evelyn ave kutotsvaga zvimapush zvaaireva zvacho ndikakurumidza kumuti,"Ayehwa dont worry ndoenda" zvikanzi, "Yuwii wega manje torega kubuditsa muyenzi manje nhaiwe?" "Handisi muyenzi handiti ndiri mai vemba pano" ndakadaro nekukasika,ndaisatoda kuti andiperekedze anoona ndichipinda mumota yaDonovan.Nyaya dzacho aisatodzinzwisisa and ininiwo ndaisatodawo kuti agozoita conclusion yake ega. "Ndokubuditsa chivanzi,apa ndanga ndichida kuti ugoona mai vandinogara navo pano." "Aaa mazuva mazhinji kani,ndodzoka ndovaona handei." Donovan aive azofona ndatove kuMabvuku achiti aida kundiona.Ndaive ndaedza kumuvhara ndikatombomudembera ndichiti ndaive ndafambira hurwere asi haana kutozviisa mumusoro zvese izvozvo. Nekutya kuzowana manudes angu aleaker ndaive ndazongobvuma kuti anditore tiende kwaaida kwacho zvipere. Apa ndaive ndabva mukusiiwa mutown naTinashe ndakwira combi yekuMabvuku and aive avimbisa kuti aizouya achinditora kuMabvuku kuya kana ndave kudzoka. Manje zvaive zvaendeswa mudondo nemunhu anonzi Donovan. Week raive rapera tisina kuzobuda tichingoita zvekutaura paphone achiti aive akabatikana zvisingaite nebasa which was okay with me.Paaive asingabatike ipapo from Tuesday to Friday ndipo pandaitoitawo zvaTinashe tichionana hedu. Ndakazovhunduka phone yandaive ndakabata yave kurira zvekare ende ndakavhunduka sendichatoidonhedza ndikazonzwa Eve ave kuseka achiti "Are you sure its Tinashe?" ndikati, "Ehee" ndichitocutter call iye nekutotanga kufamba ndichibuda. Ndakapotsa ndadhumana nemumwe mukadzi ndave mupassage ndichibva ndakasika kuti "Hii am sorry" zvikanzi, "It's okay" ndokubva ndatobuda ndisina kuzotaura zvimwe. Ndave panze ndipo pandakazonzwa Evelyn ave kuti kune mukadzi wandaive ndapotsa ndadhumana naye uye "Ndiye mutwin wangu Diana wandogara ndichitaura nezvake." Vese vakabva vabuda vakadungamidzana Evelyn kwakutangidzisa zvekare introduction dzake dziye. "Aiwa tafara nekukuzivai mainini" vakadaro mai vaiudzwa ava ndichibva ndatiwo, "Tesei" and she went on to say, "Mai Sasha ndizvo zvaunofanira kuita izvi makafanana chaizvo naDiana asi iwewe unenge uri kutiza mvura chete iwe." "Ko ava vasikana zvee" akadaro Evelyn wacho achibva anzi,"Aiwa unozviitisa iwee!" Vese vakabva vatoberekera maoko avo kumusana vave kutanga kutondiperekedza vachiwanza havo nyaya. Vaitaura dzaisekesa ini ndichingonyeperawo kudairira paye asi pasina kana nezvandiri kunzwa. Pandakazoona vave kuenderera nekundiperekedza ndipo pandakazovati "Aiwa chidzokerai" Evelyn kwakuti, "Horaiti uchadzoka kuno?" "I dont know" ndakadaro ndichiisa phone yangu yaive yakurira pamute chaipo zvikanzi naEvelyn, "Thanks hako." "Its okay, bye bye" ndakadaro ndichimu hugger zvechop chop chaizvo. Vave kuda kutofamba ndipo pandakazorangarira kuti ndaive ndiine ka dollar muwallet kwave kutokabuditsa ndikatambidza Evelyn ndichiti "Undipirewo sisi Sasha" zvikanzi, "Ende waita basa." Vachingoti fambei ndakabva ndatanga kufambisa ,ndikazodaira phone ndave kuda kutosvika palarfarge. "Uri kundikatirei Diana?" ndizvo zvakatanga nekubvunza Donovan ndikatanga ndambotukirira nechizevezve ndichiti. "Mxm this son of a bi#ch!" ndokuzoti, "Ndanga ndiri pane vanhu handiti ndakuudza hako pekumirira." "Usandijairire iwewe wanzwa?" "Ehoo!" ndakadaira rudely and he clicked his tongue ndokuti, "Mira paLarfage pacho ndosvika manje manje so." Ndakabva ndatonomirawo kune rimwe side since road yacho yaive two way hayo. Ndichingoti mirei mbijana pakabva pamirawo imwe combi yaitobva kutown mukaburuka vanhu two chete. Patwo pacho pakaburuka mumwe mukomana uyo akaratidza kunge aive andiziva. Akanditarisisa ndokumboita seave kuda kucrossa road ndokuzodzoka pandiri achiti "Muri sei?" ndikati,"Bhoo zvangu." Akambonyarara ini ndichibva ndatotarisawo kuside semunhu aive otofunga kuti zvimwe mukomana uyu aida hake kutotanga nyaya dzerudo kwakuzonzwa munhu ave kuti "Sorry zvenyu sister but ndakufananidzai ,asi muri sister yamai Sasha?" Paakadaro ndakabva ndamutarisa then quickly nodded ndichiti "Ehee" zvikanzi, "Hoo, aaah makafanana zvisingaite ndimi mutwin wavo wacho?" "Ehee." "Aaa hookey, mai Sasha ndininez yangu ndiri brother yaStarvo ndiye wandiri kutobva kunoona." "Hoo, makadii babamukuru?" "Ndiri bhoo, ndinonzi Barrack hangu." "Aiwa tafara kukuzivai babamukuru Barrack." "Neniwo!Ko mave kutodzokera manga maonana nevamwe nguvai?" "Ndazongoita emergency zvenyu, ndichadzoka.Varisei baba Sasha?" He first shook his head then replied saying "Vari kungodaro asi zviri kunzi vanoita mushe." Ndisati ndatotaura zvimwe phone yangu yakabva yatanga kurira ndikaitarisa ndokutura mafemo ndaona ari Donovan aifona. "Excuse me" ndakadaro kuna Barrack ndichiswedera kure naye mbijana uko kwandakadaira ndichiti, "Ndamirira" ndikanzi, "Crossa road hausi kuona mota yangu?" ndakatarisa across the road ndichibva ndatoona mota yakatoparkwa zveshuwa ndikashaya kuti ko munhu aive achibva nepi. Ndakadzokera paive naBarrack paye uyo aive akubaya-baya phone yake ndikasvikoti "Huyai ticrosse munhu wandiri kuda ari kubva uko nhaai" tichibva tatocrossa tese road paye. Tave kuda kupesana ndipo pandakazoti "Can you do me a favor babamukuru Barrack" zvikanzi, "Yes" ndikati,"Ndokumbirawo musaudze mai Sasha kuti mandiona." Handina kuzomirira mhinduro ndakabva ndatonanga kumota kwaDonovan ndikasvikovhura door remberi nekutopinda. "Wanga uchindikatirei nhaai Diana?"zvakadzokorodzwa kubvunzwa futi ndikati, "Ndakuudza wani kuti ndanga ndiri pane vanhu. " "Vanhu ivo rasta wawanga uinavo ava?" Ndakatanga ndambopindurudza maziso ndokuzodaira ndichiti "Yes" kuri kuda kungomubhowa ende akaratidza kubhowekana nazvo mota ichibva yamutswa zvenharo chaizvo. "Uri kubva nekupi?" ndakabvunza ndikatanga ndambopihwa ziso kwakuzopindurwa kunzi, "Ndatanga kufona nguvai inini?" "Yuwii haisati yaperasu?" "handiti ndakuona usipo apa ndichibva ndazodarikira." "Ooh okay." "Wati kunombogara ani wako kunoku?" "My twin sister." He looked at me ndokuti "Ooh utori netwin sister?" ndikati,"Yaa." "Ndiye wandanga ndichinyeperwa kunzi ari kurwara?" "Ndati murume wake ndiye ari kurwara atori muhospital." Akabva angoti "I see" kwakutonyarara asingatobvunze kuti murwere wacho airwara nei. Takapinda mutown mota ikanoparkwer near first street tichibva taburuka ndikati "Tiri kuenda kupi?" zvikanzi ,"Tevera wakanyarara chete iwewe" achibva atotanga kutokanda mazinhanho ari mberi kwangu ini ndichitevera. Takapinda mune imwe boutique achibva aratidza kuzivana nemumwe murume watakangosangana naye achitobudawo imomo. They shoulder bumped nemurume uya uyo wandakazonzwa achinzi naiye Donovan "Kubatika here uku baba 7?" akapindurwa kunzi,"Tiriko muzaya ndanga nditori naT1 a few hours ago, mai 7 atorimo mukati imomo pane zvatanga tichitotenga hedu." Ndakangorova serious ndichida kudarikira ndikazonzwa ndave kunzi nemurume uya "Eeeh muzaya, kutondidarikira here uku?" ini nenyadzi ndichibva ndazongovamhoresa. Ndakavasiya vachitaura naDonovan ipapo ndichibva ndatopinda hangu mukati kwakutanga kutoongorora hembe dzaive mushop. Pakauya shop assistant achindibvunza zvandaida ndakatomupindura ndichiti "Pane wandaperekedza inini hapana hapo chandiri kuda." Ende Donovan nehama dzake vakatora nguva vari padoor ipapo,ndakatozoona vave three pave nemumwe mukadzi aive akaberekera kamwana kumberi,ndikangoconcluder kuti ndiye aive mai 7 wacho. Ndega ndakazvibvunza kuti 7 raive zita remwana here or the number of kids vavaive navo, ndikazvishaya. Donovan akatozouya ndaneta nekutarisa akasvika achiti "Pane chawawana?" ndikati, "Handisi kuziva zvatiri kuda kutsvaga munomu." "We want your dress" aitodaro achitofamba kuenda kuvasikana vemushop muye nekutovaudza zvaaida. Akasarudza madress two mapfupi ndikanzi ndiende kunoedza kwakubva ndakasika kuti "handipfeke ma short dresses" zvikanzi, "Why?" "Cause handimafarire ka." "Manje ndiwo andiri kuda kuti upfeke" akambomira kutaura achitarisa watch yake kwakuzoti, "Kasika shamwari unotinonotsa!" ndikaita sendichaputika nehasha. Ndakapinda mu-changing room ndichiita kubhidhaira chaiko ndikanoyedza dress racho ndakatsamwa. It was too short apa risina kana masleeves zvakaita kuti ndinyare kubuda. "Mapedza here aunty?" musikana aindibatsira akabvunza ndikati, "Ndapedza but handikwanise kubuda the dress is too short!" Asati atodaira Donovan akabva adaidzirawo achiti "Hanziiko umo ,kana apfeka ngaabude ndione tell her that we are behind time." "Vari kuti the dress is too short" akadaidzirawo achidaro shop assistant akanzi, "Ngaauye ndoda kuriona hu-short hwaro." Ndakabuda muye ndichinzwa kunge ndaive ndisina kupfeka ndichibva ndanomira mberi kwake. Akanditarisisa kubva pasi kusvika kumusoro achibva angomedza mate ndokuzondipa ka gesture kaye kekuti 'tenderera' using his fingure. Ndakatenderera and gave him my back ndikanzwa munhu ave kutura mafemo ndokuzoti "Irori bhoo, mira nditsvage bhutsu dzinofita tibaye." Ndakakasika kumutarisa ndikati "Irori raita?" zvikanzi,"Yes , its nice rakakufita wani Diana.We dont have all day ka!" "My legs Donovan!" I complained and he looked at them ndokuti, "Aita sei?They nice wani, I love them mira nditsvage bhutsu you'll see me at the counter." Ende ndakatozomuona ave kubhadhara hake zvinhu zviye tichibva tazobuda hedu ndapfeka zvinhu zvinyowani. "Tiri kuenda kupi?" ndakabvunza tave kutosvika kumota zvikanzi,"Kuparty from there tozonorara kulodge!" "Aaa tichiitei?" "Hapana zvandombokuita usina kundibvumira ,we'll just spend a night chete ndozonokusiya kuHome kwenyu mangwana." "Aiwa zvekulodge bodo Donovan unonondisiya kumba kwedu!" "Iwee ndingakuite sei?Didn't we share a room last week?Ndakakuitei?" "hazvisi zvekutemba." "I won't do anything unless you want me to zvako! okay ndikakuita zvausingade unondisungisa." ''Okay!"ndakangodaira semunhu aive asisade zvekuti tinetsane ende zveshuwa takabva taenda kuparty kwaive kwarehwa kwacho. Kwaigochwa kuchinwiwa vanhu vachiita kufara. Ndaive ndingori sona-sona nemunhu wangu ndichiratidzwa kumafriends ake avo vaivewo nevanhu vavo . Takabvako past midnight chaiyo tichibva taenda kulodge kwandive ndaudzwa kuya uko kwatakasvika nekungorara chete sezvandaive ndaudzwa.Iye ndiye akatanga kubatwa nehope sezvo aive ambonwira-nwira ini ndikasara ndiri boi boi mumachira imomo busy kuronga kuti ndaizomubuda sei mumadhaka mandaive ndazviisa umu. Ndakamumirira kuti abatwe nehope ndatofunga kutsvaga maphotos angu muphone make ndoman deleter ese zvayo ndobva ndachisiyana naye. Ndaona kuti arara ndipo pandakazomuka ndokuenda kuside kwake ndichiita zvekunyahwaira ndikasvikonyamura phone yake. Ndakatanga kunyahwaira heading to the bathroom nephone yake iye ndichiita ndichicheuka-cheuka. Ndave kuda kutosvika padoor rebathroom ndopandakazongonzwa ndave kunzi naDonovan, "Diana huya udzosere phone yangu pawaitora hako uuye urare apa!" Ndakacheuka nekukasika ndikaita sendichatozviitira wiwi ndaona ziso raaive andipa racho. "I said bring back my phone!" akaita zvekudaidzira zvekare ndichibva ndakasika kudzoka kuti ndidzose phone yake yacho pandaive ndaitora. Ndave kuda kutoigadzika paheadboard payaive iri ndakabva ndanzi ruoko dzvii ndikakasika kuti "Sorry Donovan" zvikanzi," Wanga uchida kuitei nephone yangu?" "Hapana." "Usandingwarire zvisina basa wanzwa?If you know what's best for you please don't ever try this again. Ukazvidzokorodza futi,I promise uchazondivenga hako kudarika zvawakaita ipapa cause I won't be this friendly!" End of chapter