‏د غمجن په غېږ کې نیول سنت عمل دی. کله چې د ونې کونده د رسول الله ﷺ له فراقه غمجنه شوه او و یې ژړل، رسول الله ﷺ یې غږ واورېد، نو لاس یې پرې راتېر کړ او په غېږ کې ‌یې ونیوله. بیا رسول الله ﷺ وفرمایل: «لَوْ لَمْ أَحْتَضِنْهُ لَظل يبكي إِلَى يَوْمِ الْقِيَامَة». «که مې په غېږ کې نه وای نیولې، تر قیامته به یې ژړلي وو.» علماوو د رسول الله ﷺ له همدغه چلند څخه استدلال کړی دی او ویلي یې دي چې د غمجن په غېږ کې نیول سنت دي.