🩺 شنو يعني مقاومة الأنسولين؟ مقاومة الأنسولين بتحصل لمن جسمك يلقى صعوبة في استخدام الأنسولين زي ما مفروض. الأنسولين ده هورمون بيساعد السكر (الجلوكوز) يدخل الخلايا عشان يديها طاقة. لمن الجسم يبقى "ما سامع" كلام الأنسولين، السكر يفضل في الدم، ومع الوقت ممكن يؤدي لسكري النوع التاني. ⚠️ علاماتو شنو؟ تعب مستمر جوع سريع خصوصاً للحلويات زيادة في الوزن، خاصة في البطن اسوداد في الرقبة أو تحت الإبط صعوبة في التركيز 💡 نقلل الخطر كيف؟ قلل النشويات والسكريات اتحرك يومياً حتى لو مشي نص ساعة كُل أكل متوازن وغني بالألياف خفف الوزن لو في زيادة نام كويس وقلل التوتر #دقيقة_صيدلانية #معلومة_صيدلانية_في_دقيقة #حرب_ما_بتوقفنا #تجمع_طلاب_الصيدلة_بالسودان #sps