كيف تتجنب أن الشرايين ماتنسدش؟ 🙂 مش لازم توصل لجلطة عشان تهتم .. كفاية إنك تعرف اللي بيحصل جوا جسمك… وده اللي حنشرحه ببساطة: ↲ في البداية الشريان بيكون سليم والدورة الدموية ماشية من غير أي مشاكل. ↲ بعد فترة من العادات الغلط، بتبدأ الدهون والكوليسترول يترسبوا على جدار الشريان. ↲ الجسم بيتعامل مع ده كأنه التهاب ويبدأ يتكون نسيج فوق الترسبات… بنسميه (اللويحة). ↲ المشكلة الحقيقية إن اللويحة دي ممكن تنفجر وساعتها الجسم يكوّن جلطة تسد الشريان تمامًا… وده سبب رئيسي للاسف في الجلطات القلبية والدماغية. ليه كل ده بيحصل ؟ ▪️ الإفراط في الأكل الغني بالدهون المشبعة (زي المقليات، اللحوم المصنعة، الزبدة). ▪️ قلة النشاط البدني. ▪️ ارتفاع ضغط الدم أو السكر من غير تحكم. ▪️ التدخين. ▪️ التوتر والضغوطات المستمرة. ▪️ نقص تناول الألياف والخضار. ▪️ تجاهل التحاليل الدورية. طيب نعمل إيه؟ إيه الحل؟ ↲ ركز على أكل الأطعمة المضادة للالتهاب زي: ▪️ الثوم، الكركم، الزنجبيل، والبصل ▪️ الأسماك الدهنية زي السلمون (غنية بالأوميجا ٣) ▪️ الخضار الورقي زي السبانخ والجرجير ▪️ الحبوب الكاملة بدل العيش الأبيض ▪️ المكسرات مش المُملحة ▪️ زيت الزيتون بدل الزيوت المهدرجة ↲ وقلل من أو أمنع : ▪️ اللحوم المصنعة ▪️ الحلويات والسكريات العالية ▪️ الدهون المهدرجة والزيوت المقلية ▪️ الاملاح الزائدة والمشروبات الغازية ↲ مارس رياضة ولو ٣٠ دقيقة مشي يوميًا ↲ اعمل تحليل دهون وسكر كل ٦ شهور عشان تطمن على نفسك ↲ واشرب ميه بكميه كافيه ونام كويس صدقني. وقاية بسيطة اليوم ، أحسن من علاج مُكلف وخطر غدا لا تشاهد وترحل صلي على الحبيب المصطفى 🌹