*شادی کے بعد محبت سیکھنی نہیں پڑتی ، وہ تو خالق کائنات نے ہماری فطرت میں ڈال دی ہے، ایک دوسرے کو برادشت کرنا سیکھنا پڑتا ہے، خلاف مزاج چیزوں پر صبر کرنا سیکھنا پڑتا ہے۔* *خوشحال شادی شدہ زندگی کے لیے محبت ضروری ہے، لیکن برداشت اس سے بھی زیادہ ضروری ہے۔ محبت کرنا آسان ہے، برداشت کرنا آسان نہیں ، مشکل ہے ، بہت مشکل ہے۔* *﴿وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ﴾* (الروم:21) *"اور اُس کی نشانیوں میں سے ہے کہ اُس نے تمہارے لیے تم ہی میں سے بیویاں پیدا کیں تاکہ تم اُن سے سکون حاصل کرو، اور تمہارے درمیان محبت اور رحمت رکھ دی۔ بے شک اس میں غور و فکر کرنے والوں کے لیے نشانیاں ہیں۔"*