ABUBUWAN DA KE KAWO RUBEWAR HAKORI (TOOTH DECAY) Gabatarwa: Rubewar hakori (tooth decay ko cavities) wata cuta ce da ke faruwa yayin da gindin hakori ko saman hakori ya fara dushewa sakamakon karancin tsafta, yawan cin kayan sukari, da sauran dalilai. Idan ba a dauki matakin gyara ba, rubewar hakori kan kai ga ciwo mai tsanani, kumfa, wari da ma rasa hakori gaba ɗaya. --- ABUBUWAN DA KE KAWO RUBEWAR HAKORI: 1. Rashin Tsaftace Baki Da Hakora Akai-Akai Idan mutum baya wanke baki sau biyu a rana da man goge hakori mai fluoride, kwayoyin cuta (bacteria) kan taru su haifar da acid da ke lalata hakori. 2. Yawan Cin Abinci Mai Sukari Da Starch Kamar alewa, kayan zaki, soft drinks, da snacks — suna taimaka wa bacteria su fitar da acid da ke kai ga rubewa. 3. Rashin Shan Ruwa Mai Isasshen Fluoride Fluoride na taimakawa wajen karfafa enamel (fatar hakori). Rashin samun fluoride a ruwa ko man goge hakori yana kara haɗarin rubewa. 4. Bushewar Baki (Dry Mouth) Rashin yawan yawu a baki yana hana baki iya wanke abincin da acid din bacteria. Wannan yana ƙara yiwuwar hakori ya rubewa. 5. Yawan Shan Abin Sha Mai Acidic Lemonade, soda, da energy drinks suna da acid mai yawan gaske wanda ke rage kaurin hakori. 6. Cin Abinci A Kullum Ba Tare da Wanke Baki Ba Mutane da ke ci akai-akai ba tare da tsaftace baki ba, suna bayar da damar bacteria su zauna cikin baki su lalata hakori. 7. Tsarin Gado (Genetics) Wasu mutane suna da hakoran da suka fi saurin kamuwa da rubewa saboda tsarin halittarsu. 8. Ciwon Suga (Diabetes) Masu ciwon suga kan fi fuskantar matsalolin baki da hakora, ciki har da rubewa. 9. Amfani da Snuff, Cigarettes ko Tobacco Wadannan abubuwa na rage lafiyar hakora da gums, sannan suna ƙara yawan bacteria a baki. 10. Rashin Zuwa Likitan Hakori Don Dubawa Ba a san matsalar rubewar hakori da wuri ba sai ta kara muni. Ana bukatar a duba hakori akalla sau biyu a shekara.