*الاقصٰی میڈیا جموں کشمیر* *Al-Aqsa Media Jammu Kashmir* 🍁🍁🍁 *حق خودارادیت کا مطالبہ کرنے کی وجہ سے چالیس ہزار سے زائد کشمیری پناہ گزینوں کی زندگی گزارنے پر مجبور* *سری نگر : 20 جون 2025ء* مقبوضہ جموں کشمیر میں گزشتہ 37 برس سے جاری بھارت کے غیرقانونی تسلط اور ریاستی دہشت گردی نے ہزاروں کشمیریوں کو اپنے گھربار چھوڑ کر ہجرت کرنے اور مقبوضہ علاقے سے باہر پناہ گزینوں کی حیثیت سے زندگی گزارنے پر مجبور کیا ہے۔ کشمیر میڈیا سروس کی طرف سے آج پناہ گزینوں کے عالمی دن کے موقع پر جاری کی گئی ایک رپورٹ میں کہا گیا ہے کہ آج جب دنیا بھر میں یہ دن منا یا جارہا ہے ، 40 ہزار سے زائد کشمیری بشمول مرد ، خواتین اور بچے 1989ء سے مہاجرین کے طورپر زندگی گزارنے پر مجبور ہیں۔صرف جموں میں ڈوگرہ فوج اور آر ایس ایس کے ہندو جنونیوں نے 1947ء میں لاکھوں مسلمانوں کو بے دخل کیاتھا۔ 1947ء سے اب تک 35 لاکھ سے زائد کشمیریوں نے آزاد کشمیر ، پاکستان ، برطانیہ اور دیگر ممالک میں پناہ لی ہے۔رپورٹ میں کہا گیا ہے کہ مقبوضہ جموں کشمیر میں مسلم اکثریت کو جبری بے دخلی اور بھارتی حکومت کے نئے ڈومیسائل قانون کی وجہ سے اقلیت میں تبدیل کیا جارہا ہے جس کا مقصد مقبوضہ علاقے میں آبادی کا تناسب تبدیل کرنا اور اسے ایک ہندو ریاست بنانا ہے۔رپورٹ میں عالمی برادری پر زور دیا گیا ہے کہ وہ مقبوضہ جموں کشمیر میں بھارت کے مذموم اور کشمیر دشمن منصوبوں کا نوٹس لے اور تنازعہ کشمیر کے حل کیلئے اس پر دباؤ ڈالے۔اقوام متحدہ کی سلامتی کونسل اور عالمی برادری سے مطالبہ کیا کہ وہ تنازعہ کشمیر کو اپنی متعلقہ قراردادوں اور کشمیری عوام کی اُمنگوں کے مطابق حل کرانے کے لیے اپنا کردار ادا کرے۔ 🥀🥀🥀 ♻️ *Whatsapp channel :* https://whatsapp.com/channel/0029Vax6yTs4Y9lnLhAd6v2l 🌐 *Telegram channel :* https://t.me/AlAqsaMediaOficialll 💠 *Signal Channel :* https://signal.group/#cjqkiopm03c26ywsolg6rgcg_q1qfbof4h9rzfpj9r7qjaurehcmj9w3wpw78ys9-HjPnNxu