*വിദ്യാധൻ സ്കോളർഷിപ്പിന് അപേക്ഷ ക്ഷണിച്ചു. ✅* https://whatsapp.com/channel/0029Va82UjBKmCPXcOVXLi3D ഇൻഫോസിസ് സഹസ്ഥാപകയും മുൻ സിഇഒയുമായ എസ് ഡി ഷിബുലാലും കുമാരി ഷിബുലാലും ചേർന്ന് സ്ഥാപിച്ച സരോജിനി ദാമോദരൻ ഫൗണ്ടേഷൻ നൽകുന്ന ഒരു പാൻ-ഇന്ത്യ ഉന്നത വിദ്യാഭ്യാസ സ്കോളർഷിപ്പാണ് വിദ്യാധൻ. 1999 ൽ ആരംഭിച്ചതിനുശേഷം വിദ്യാധൻ 50000 ൽ അധികം സ്കോളർഷിപ്പുകൾ വിതരണം ചെയ്‌തിട്ടുണ്ട്.പത്താം ക്ലാസ്സിൽ ഉന്നത വിജയം നേടിയ സാമ്പത്തികമായി പിന്നാക്കം നിൽക്കുന്ന വിദ്യാർത്ഥികൾക്ക് ഒരു സുവർണ്ണാവസരം ആണിത്. *യോഗ്യത* * കുടുംബ വാർഷിക വരുമാനം 2 ലക്ഷം രൂപയിൽ താഴെ ആയിരിക്കണം. * അതത് അധ്യയന വർഷം പത്താം ക്ലാസ് / എസ്എസ്എൽസി പരീക്ഷ പാസായ വിദ്യാർത്ഥികൾ ആയിരിക്കണം. * എസ്എസ്എൽസി പരീക്ഷയിൽ മുഴുവൻ 'എ+' അല്ലെങ്കിൽ സിബിഎസ്ഇ പരീക്ഷയിൽ മുഴുവൻ 'എ1' നേടിയവർ ആയിരിക്കണം. * വൈകല്യമുള്ള വിദ്യാർത്ഥികൾക്ക് എസ്എസ്എൽസി അല്ലെങ്കിൽ സിബിഎസ്ഇ പരീക്ഷകളിൽ മുഴുവൻ 'എ' ഉണ്ടായിരിക്കണം. *സ്കോളർഷിപ്പ് തുക* * തിരഞ്ഞെടുക്കപ്പെടുന്ന വിദ്യാർത്ഥികൾക്ക് +1,+2 പഠനത്തിന് പ്രതിവർഷം 10,000 രൂപ ലഭിക്കും. * പഠനത്തിൽ മികച്ച പ്രകടനം തുടർന്നും കാഴ്ചവയ്ക്കുന്നവർക്ക് താൽപ്പര്യമുള്ള ഏതെങ്കിലും ബിരുദ കോഴ്സ് പഠിക്കുന്നതിന് പ്രതിവർഷം 25,000 രൂപ മുതൽ 75,000 രൂപ വരെ സ്കോളർഷിപ്പ് ലഭിക്കും. *അപേക്ഷിക്കേണ്ടത് എങ്ങനെ?* * വിദ്യാധൻ സ്കോളർഷിപ്പിനായുള്ള വെബ്സൈറ്റ് (https://www.vidyadhan.org) മുഖേനെ ആണ് അപേക്ഷ സമർപ്പിക്കേണ്ടത്. * പരമാവധി അപേക്ഷകളുടെ എണ്ണം 10,000 ആണ്. ഈ എണ്ണം എത്തിക്കഴിഞ്ഞാൽ, അവസാന തീയതി (22/06/2025) എത്തിയിട്ടില്ലെങ്കിലും, അതിനു ശേഷം വിദ്യാധൻ സൈറ്റിലൂടെ അപേക്ഷിക്കാൻ കഴിയില്ല. * ഓൺലൈൻ പരീക്ഷാ തീയതി, അഭിമുഖ തീയതികൾ മുതലായവയെക്കുറിച്ചുള്ള വിവരങ്ങൾ ലഭിക്കുന്നതിന് നിങ്ങൾ നിങ്ങളുടെ രജിസ്റ്റർ ചെയ്‌ത ഇമെയിൽ പതിവായി പരിശോധിക്കുകയോ ഹെൽപ്പ്‌ലൈൻ നമ്പറിൽ ബന്ധപ്പെടുകയോ ചെയ്യണം. * ആവശ്യമായ രേഖകൾ നിങ്ങൾ അ‌പ്ലോഡ് ചെയ്‌തിട്ടില്ലെങ്കിൽ, ആദ്യ ഘട്ടത്തിൽ തന്നെ നിങ്ങളുടെ അപേക്ഷ നിരസിക്കപ്പെടും. *ആവശ്യമായ രേഖകൾ ഏതെല്ലാം?* * പാസ്പോർട്ട് സൈസ് ഫോട്ടോ * പത്താം ക്ലാസ് അല്ലെങ്കിൽ എസ്എസ്എൽസി മാർക്ക് ഷീറ്റിന്റെ പകർപ്പ് * വരുമാന സർട്ടിഫിക്കറ്റിൻ്റെ പകർപ്പ് * വൈകല്യമുണ്ടെങ്കിൽ, 'വൈകല്യ സർട്ടിഫിക്കറ്റ്' കൂടി അ‌പ്ലോഡ് ചെയ്യുക. Join *ScholaRise* for latest scholarship updates https://whatsapp.com/channel/0029Va82UjBKmCPXcOVXLi3D