تاج بی بی کی آواز، چیئرپرسن روبینہ خالد کی فوری کارروائی کوہاٹ میں بی آئی ایس پی کیمپ سائٹ پر موجود مستحق خاتون تاج بی بی نے چیئرپرسن بینظیر انکم سپورٹ پروگرام سینیٹر روبینہ خالد کو اپنی کفالت قسط نہ ملنے سے متعلق آگاہ کیا۔ سینیٹر روبینہ خالد نے فوراً عملے کو مسئلہ حل کرنے کی ہدایت دی۔ ان کی خصوصی ہدایت پر ڈی جی بی آئی ایس پی ڈاکٹر عاصم اعجاز نے تاج بی بی کو براہ راست فون کال کی، مکمل رہنمائی فراہم کی، اور تمام بینیفشریز کو سروے کے دوران اپنا زیر استعمال موبائل نمبر دینے کی ہدایت کی تاکہ رابطہ مؤثر اور بروقت ممکن ہو سکے۔