Azmat-E-Sahaabah Ke Alambardaar Aur Rad-E-Raafziyat Ke Liye Kaam Karne Waale Mashhoor Aalim-E-Deen Hazrat Molana Abdul Aleem Farooqi Rahmatullah Alaih (Wiladat 1948 Wafaat 2024) Ne Apne Is Bayaan Me Sarahat Ke Saath Farmaaya Ke Iraan Duniya Ka Sab Se Bara Dehshatgard Hai. Aur Saari Duniya Me Sab Se Zyada Ahl-E-Sunnat Musalmaanon Ko Iraan Me Phansi Di Gayi Hai. Hazrat Molana Marhoom Ne Khomeini Ke Baare Me Farmaaya Ke Is Zaalim Ne Likha Ke Hum Makkah Aur Madinah Me Raaj Karenge, Aur Abu Bakr Aur Umar Ko Qabron Se Nikaal Kar Sazaa Denge, Aur Ummul Momineen Hazrat Aa’ishah Ko Bhi Qabar Se Nikaalenge Aur Un Ko Rajm Ki Sazaa Denge, Zinaa Ki Sazaa Denge. Astaghfirullah Astaghfirullah Iraan Ke Baare Me 90 Feesad Musalmaan Jin Me ‘Ulamaa E Kiraam Bhi Shaamil Hain, Zabardast Ghalat Fehmi Ka Shikaar Hain. Hazrat Molana Manzoor Na’maani Rahmatullah Alaih (Wiladat 1905 Wafaat 1997) Ne Iraan, Khomeini Aur Raafziyat Ke Baare Me Zabardast Tehqeeqi Aur Ilmi Kitaab Tasneef Farmaayi Taake Musalmaan Iraan, Khomeini Aur Raafziyat Ki Asal Haqeeqat Se Waaqif Ho Sakein. Iraan Me Rawaafiz Ki Hukoomat Hai, Bohat Hi Kam Tadaad Me Ahl-E-Sunnat Musalmaan Rehte Hain Jin Par Iraani Hukoomat Ki Taraf Se Bohat Si Pabandiyan Hain Aur Un Ko Zulm-O-Sitam Ka Nishaanah Banaya Jaata Hai. Sahaabah E Kiraam Ko Iraan Musalmaan Tasleem Nahin Karta, Balkeh Iraan Me Sahaabah E Kiraam Ki Gustaakhiyaan Hoti Hain. Darjanon Aise Videos Maujood Hain Jin Me Ye Dikhaya Gaya Hai Ke Iraan Ke Mukhtalif Shehron Me Rawaafiz Apni Majlis Me Sahaabah E Kiraam Ko Gaaliyan Dete Hain. 2020 Aeeswi Me Jami’at Ulamaa-E-Islam Ke Sarbaraah Hazrat Molana Fazl Ur Rahmaan Sahib Iraani Hukoomat Ki Da’wat Par Iraan Tashreef Le Gaye The. Iraani Parliament Me Molana Fazl Ur Rahmaan Sahib Ne Derh Ghante Tak Sahaabah E Kiraam Ke Fazaa’il-O-Manaaqib Par Zabardast Bayaan Kiya. Parliament House Me Maujood Rawaafiz Ne Baar Baar Ghanti Baja Kar Aap Ko Bayaan Se Rokne Ki Koshish Ki Magar Aap Barabar Bolte Rahe. Aur Molana Fazl Ur Rahmaan Sahib Ne Bilkul Sarahat Ke Saath Farmaaya Ke Sahaabah E Kiraam Ke Saath Aap Iraaniyon Ka Rawayya Bilkul Ghair Islami Aur Zabardast Gumraah Kun Hai. Aap Log Is Harkat Se Taubah Karen, Yehi Aap Ke Liye Behtar Hai. Jaleel Ul Qadr Sahaabi, Khaleefah E Doem Hazrat Umar Farooq Razi Allah Ta’aala Anhu Ke Qaatil Abu Lulu Firoz Ka Mazaar Aaj Bhi Iraan Ke Ek Shehar Kaashaan Me Maujood Hai. Is Mazaar Ki Poori Tafseelaat Internet Par Maujood Hain, Aap Google Par Search Karen To Dekh Sakte Hain. 2007 Aeeswi Me Misr Ki Al-Azhar University Aur Deegar Muslim Tanzeemon Ki Taraf Se Iraani Hukoomat Se Zordaar Mutalibay Kiye Gaye Ke Is Abu Lulu Firoz Ke Mazaar Ko Munhadim Kar Diya Jaye. Magar Iraani Hukoomat Ne Aaj Tak Is Mazaar Ko Munhadim Nahin Kiya Hai. Aur Iraani Rawaafiz, Farooq E A’zam Razi Allah Ta’aala Anhu Ke Qaatil Abu Lulu Firoz Ko ‘Alaihis Salaam’ Aur ‘Razi Allah Anhu’ Kehte Hain Aur Hazrat Umar Farooq Razi Allah Ta’aala Anhu Ko ‘La’natullah Alaih’ Kehte Hain — Astaghfirullah Astaghfirullah. Har Saal 26 Zil Hijjah Ko Duniya Ke Badtareen Munaafiq, Murtad Aur Zindeeq Raafzi Log Iraan Ke Mukhtalif Shehron Me Jashn Manaate Hain Jis Me Abu Lulu Firoz Ki Manqabat Me Ash’aar Padhe Jaate Hain. Is Ke Mutalliq Muta’addid Videos Aur Deegar Tafseelaat Me Shi’iyat Waale Group Me Post Kar Chuka Hoon. Mulk-E-Shaam Me Badtareen Kaafir Aur Zaalim Bashar Ul Asad Ki Hamesha Iraan Madad Karta Raha, Aur Mut’ah Ke Liye La Tadaad Auratein Wahan Bhejta Raha. Jab Bashar Ul Asad Ke Zulm-O-Sitam Se Tang Aa Kar Shaami Musalmaanon Ne Ehtijaaj Kiya, To Un Musalmaanon Ko Sabaq Sikhaane Ke Liye Iraani Hukoomat Ki Taraf Se Iraani Lashkar Ka Commander Qaasim Sulaimani Bashar Ul Asad Ki Madad Ko Pahucha. In Badtareen Munaafiq Aur Murtad Rawaafiz Ne 15 Laakh Musalmaanon Ko Be Dardi Se Shaheed Kar Diya. Gharz Ke In Iraani Rawaafiz Ke Zulm-O-Sitam, Kaafirana, Munaafiqana Aur Gustaakhana Sargarmiyon Aur Siyaah Kaarnaamon Ki Taweel Daastaan Hai. Lihaza In Badtareen Munaafiq, Murtad Aur Zindeeq Iraani Rawaafiz Ki Kisi Bhi Tarah Se Himaayat Nahin Ki Ja Sakti. Ahl-E-Ilm Achi Tarah Se Jaante Hain Ke Rawaafiz Ka Baani Abdullah Bin Saba Tha Jo Ek Yahoodi Tha. Raafziyat Yahoodiyat Ki Paidaawaar Hai. Iraan Aur Israel Donon Islam Aur Musalmaanon Ke Shadeed Dushman Hain. In Donon Me Se Kisi Ki Bhi Zara Barabar Himaayat Nahin Ki Ja Sakti. Allah Ta’aala Qur’aan E Kareem Me Farmaata Hai: ﴿وَكَذَٰلِكَ نُوَلِّي بَعْضَ ٱلظَّٰلِمِينَ بَعْضًۭا بِمَا كَانُوا۟ يَكْسِبُونَ﴾ (Surah Al-An’aam, Aayah 129) Tarjamah: Aur Is Tarah Ham Kuchh Zaalimon Ko Dusron Par Un Ke A’maal Ki Wajah Se Musallat Kar Dete Hain. Is Aayah Ki Roshni Me Kaha Ja Sakta Hai Ke Sahaabah E Kiraam Jaisi Azeem Aur Paakeezah Hastiiyon Ki Musalsal Gustaakhiyon Aur Musalmaanon Par Zulm-O-Sitam Ki Wajah Se Allah Ta’aala Ne Yahoodiyon Ko Rawaafiz Par Musallat Kar Diya. > *Zabeehullah Shamsi*