Ham Na Israa'eel Ke Himaayati Hain, Na Iraan Ke Wakeel. Ham Sirf *Haq Ke Saath* Aur *Mazloomon Ke Himaayati* Hain — *Zulm Jahaan Se Bhi Ho, Us Ke Mukhaalif* Hain. Aksar Dost Poochhte Hain: "Aap Israa'eel Ki Tabaahi Par To Khush Hote Hain, Lekin Jab Iraan Ko Nuqsaan Ho To Aap Dukhi Nazar Nahi Aate. Kya Ye Doghla Pan Nahi?" Is Ka Jawaab Hai: *Nahi!* Ye Doghla Pan Nahi Balke Qur'aan Ki Baat Hai. Qur'aan Me ALLAH Ta'ala Farmaata Hai: *"Ham Ba'az Zaalimon Ko Ba'az Par Musallat Kar Dete Hain, Un Ke A'maal Ki Wajah Se"* (Al-An'aam: 129) Jab Koyi Qaum Zulm Karti Hai, To ALLAH Us Ko Kisi Aur Zaalim Ke Haathon Saza Dilwaata Hai — Magar Is Ka Matlab Ye Nahi Ke Jo Ghaalib Hai, Wo Haq Par Bhi Hai. Israa'eel Falasteeniyon Par Zulm Karta Hai. Agar Wo Iraan Ke Haathon Tabaah Hota Hai To Hamen Khushi Is Baat Ki Hoti Hai Ke *Mazloom Ki Aah* Suni Gayi. Lekin Sirf Israa'eel Ka Dushman Hona, Kisi Ko Hamaara Hero Nahi Bana Deta. Ham America Ko Zaalim Maante Hain, Lekin Agar Russia Us Ka Dushman Hai, To Is Ka Matlab Ye Nahi Ke *Russia Hamaara Dost* Hai. Isi Tarah Iraan Ne Bhi Ummat Me Khoon-Kharaabah Aur Khoon-Kharaba Kiya Hai — Khaas Kar Shaam Me Laakhon Musalmaanon Ka Qatl Us Ka Bada Kirdaar Hai. *Hamaara Me'yaar Na're Nahi, Balke Amal Hai.* Ham Zulm Ke Khilaaf Hain — Chaahe Koi Bhi Kare, Aur Mazloom Ke Saath Hain — Chaahe Wo Kahaan Bhi Ho. > *Kameel Ahmad Mu'aawiyah*