اپنے دامانِ شفاعت میں چھپائے رکھنا میرے سرکار ﷺ میری بات بنائے رکھنا میں نے مانا کہ نکما ہوں مگر آپ کا ہوں مجھ نکمّے کو بھی سرکار ﷺ نبھائے رکھنا کسی منصب کا طلبگار ہوں نہ دنیا کا خاک ہوں میں مجھے قدموں سے لگائے رکھنا آپ کی یاد سے آباد ہوا دل میرا بندہ پَرور میری ہستی کو بسائے رکھنا آپ یاد آئیں تو پھر یاد نہ آئے کوئی غیر کی یاد میرے دل سے بھلائے رکھنا اُن کے ہو جاؤ تو ہر چیز اُنہیں سے مانگو 💚 اپنے دامن میں نہ احسان پرائے رکھنا جب سوا نیزے پہ خورشیدِ قیامت ہوگا اپنی زلفوں کے گنہگار پہ سائے رکھنا شاید اس راہ سے خالد میرے آقا ﷺ گزریں اپنی پلکوں کو سر راہ بچھائے رکھنا الصلوةوالسلام علیک یارسول اللہ وعلیٰ الک واصحابک یاحبیب اللہ