Umushinjacyaha Mukuru mu rukiko rusesa imanza rwa Repubulika Iharanira Demokarasi ya Congo, Firmin Mvonde, yabujije Minisitiri w’Ubutabera, Constant Mutamba, kurenga umujyi wa Kinshasa. Mvonde yafashe iki cyemezo nyuma y’aho ku wa 15 Kamena 2025, Inteko Ishinga Amategeko ya RDC imwemereye kugeza Minisitiri Mutamba mu rukiko, akaburanishwa icyaha cyo kunyereza miliyoni 19 z’Amadolari zari zarateganyirijwe umushinga wo kubaka Gereza ya Kisangani mu ntara ya Tshopo. Mu ibaruwa Mvonde yandikiye Umuyobozi Mukuru w’urwego rw’igihugu rw’abinjira n’abasohoka (DGM) kuri uyu wa 16 Kamena, yamumenyesheje ko yafashe iki cyemezo kugira ngo Minisitiri Mutamba atazakirengaho. Yagize ati “Ndagira ngo mbamenyeshe ko nshingiye ku ngingo ya 83 y’itegeko No. 13/010 ryo ku wa 13 Gashyantare 2013 rigenga ikurikiranwa mu rukiko rusesa imanza, nafashe icyemezo cyo kubuza Mutamba gusohoka umujyi wa Kinshasa.” Soma inkuru yose 👇 https://mobile.igihe.com/amakuru/muri-afurika/article/minisitiri-mutamba-ntiyemerewe-kurenga-kinshasa