*PaTrabablas paya* _As written by John T. Guma_ Akanamirana mabwe eDzimbabwe pasina dhaka. Umhare noumhizha zvikasangana Hungwe ikavezwa pabwe. Vasinamabvi vakanyepa voti ndiMambo Solomon wakavaka. Heya, weganda dema haagoni? Takamboti poshi haagwigwi paDzimbabwe, Ko paTrabablas paya? PaTrabablas Ruka Chivende wakavhura huru. Smart Tembo akatizviite _smart_ pakufamba. Dzokerai henyu mabhunu munoongorora kugona kwevatema. Inongova tsepete tsepete kubva Masvingo aGovere. VariChivavarira nevariMabweadziva, Honai vunyanzvi bwepwere dzenyu! PaTrabablas paya. Paya paTrabablas hapasi pekupengera. Dzakaita kwire-dzike migwagwa. Kurukwa maimutatu setyava, Unyanzvi ndokusangana noumhare. Chakanaka chakanaka, Mhazha yomutana haipedzi sipo. Kufamba koita nyore. Nyore, nyore, pore-pore. Ndizvo zvoga zvapakanakira, PaTrabablas paya. Remadunhurigwa vainzi Trabablas Dzokerai Mabhunu. Rokuti Ngwena ndiro ramunoziva. Neunyanzvi vana vaMunhumutapa ndokuvaka nyika. Nhasi chava chishongo chenyika. Tikati tisazokangamwa muvhenekeri, Trabablas, ndiro zita rerusvava. Imbofambaiwo napo, PaTrabablas paya... Ini ndakangohwa ndirivuno Masvingo. Kwahi novakangwara muHarare vorashikapo. Chadzimira mbunde-e Izvezvi vuno hana kubika manhanga, Ndikadamwa Harare hazviperi zvakanaka! Mogarira _paradio_ Mukahwa warashika paTrabablas... Nevarume vainyepa kunonotswa kumba ikozvino zvorema. Trabablas wakavharisa zvose zviya. Vana voona vanababa mudzimba nenguva. Vanamai vobva kumishando nhambo dzichipo. Vemisika votomira-mira paTrabablas, Asi titende magamba, Vana vakavaka _Brick-by-Brick_ Nyika inovakwa nevana vayo, ...inonamatigwa, ...igotongwa, Nevene vayo.. *Dear Zimbabweans, as we celebrate the Milestone of the construction of Trabablas inter-change, let us all remember the worksmanship put in by the unsun heroes who worked day and night. Their efforts though they were paid are truly remarkable. _Ndiani achandiendesawo, paTrabablas paya?_* 0785830695 [email protected]