"" تمام اضلاع و تحصیلوں کے سوشل میڈیا کوآرڈینیٹرز کی خدمت میں گزارشات "" السلام علیکم ورحمۃ اللہ وبرکاتہ ۔۔۔! تمام ضلعی کوآرڈینیٹرز سے گزارش ہے کہ وہ اپنی تحصیلوں اور ٹاؤنز کے کوآرڈینیٹرز کو فوری طور پر تحصیل سطح کے گروپ میں شامل کریں تاکہ ہم آپس کے رابطے کو مزید مؤثر بنا سکیں۔ واہٹساپ گروپس میں شامل کوآرڈینیٹرز اور ٹیم ممبرز اپنی موجودگی اور بیداری کا اظہار مختلف ری ایکشنز (👍❤️ ) وغیرہ کے ذریعے ضرور دیا کریں ۔ بالائی نظم (مرکزی/صوبائی / ضلعی / تحصیل سطح) سے ملنے والی ہدایات اور تشہیری مواد کو بروقت اور مربوط انداز میں آگے پہنچانا ہم سب کی مشترکہ ذمہ داری ہے۔ " ٹیم جےیوآئی کی فعالیت کے لیے چند راہنما ہدایات" مقامی سطح پر سوشل میڈیا نیٹ ورک گروپ کی صورت میں تشکیل دیں۔ ہر تحصیل اور ٹاؤن کا اپنا فیس بک/ٹوئٹر (X)/انسٹاگرام پیج/ ہینڈل لازمی بنائیں۔ ضلعی اور تحصیل کے پیجز کو مستقل بنیادوں پر خبروں اور تشہیری سرگرمیوں سے مزین رکھیں۔ مرکزی اور صوبائی آفیشل پیجز کی پوسٹس کو اپنی رائے کے ساتھ شیئر کیا کریں تاکہ پیغام مؤثر انداز میں آگے بڑھے۔ " ٹوئٹر (X) کی فعالیت " ہر ذمہ دار ساتھی کے لیے ٹوئٹر/X اکاؤنٹ کا ہونا ضروری ہے۔ روزانہ کی بنیاد پر ٹویٹر ایکس کے پلیٹ فارم کو فعال رکھیں۔ ایک دوسرے کو فالو کریں، فالوبیک دیں، اور ٹرینڈنگ میں بھرپور شرکت کریں۔ پوسٹس اور کمنٹس میں جماعت کے اندرونی تنظیمی امور پر اختلافی مباحثوں سے اجتناب کریں اس کے متعلقہ فورم موجود ہیں ۔ سندھ کے احباب کو مطلع کیا جارہا ہے آپ کی تحصیل اور ٹاؤن سطح کی کارکردگی اور سوشل میڈیا پر فعالیت کی بنیاد پر ان شاء اللہ جلد ایک مثالی کنونشن میں مدعو کیا جائے گا۔ اس سے قبل اپنی مقامی ، یوسیز سطح کی ٹیموں کو فعال بنائیں، مربوط حکمتِ عملی اختیار کریں اور نچلی سطح تک روابط بڑھاکر ساتھیوں کو آپس میں مضبوط کریں۔ تمام سوشل میڈیا پلیٹ فارمز پر موجود جماعتی نمائندہ اکاؤنٹس سے جُڑے رہیں۔ حالاتِ حاضرہ سے خود کو آگاہ رکھیں ، اپنی طرف کسی رخ کا تعین کرنے کی بجائے معاملات پر جماعت کے پالیسی مؤقف کا انتظار کریں ۔ الگ تھلگ گروپس کی تشکیل ۔یں کردار یا غیر ضروری دھڑابندیوں اور شخصیات کے دفاع میں ایک دوسرے سے الجھنے سے گریز کریں۔ پروپیگنڈوں کا شکار ہونے سے خود کو اور اپنے ٹیم ممبرز کو بچائیں ، غیر مصدقہ اور غیر ضروری خبروں کے فروغ اور تشہیر سے اجتناب کریں ۔ ہماری صلاحیتیں جمعیۃ علماء اسلام کی امانت ہیں اور ان کا استعمال مرکز، صوبہ، ضلع اور مقامی جےیوآئی کی اجتماعی کاز بہتری کے لئے ہونا چاہئے۔ میرا آپ کا ہم سب کا ہدف جمعیۃ علماء اسلام کے لئے ایک مؤثر، منظم، اور نظریاتی سوشل میڈیا ٹیم کی تشکیل ہے۔ آئیں، قدم سے قدم ملا کر اس خواب کو حقیقت کی شکل دینے میں کردار ادا کریں ۔ #سمیع_سواتی رکن ڈیجیٹل میڈیا سیل جےیوآئی پاکستان ڈپٹی سیکریٹری اطلاعات، جے یو آئی سندھ #teamjuisindh #teamjuipak #juiupdates