*Balóchay Bárig Allamá Kayt* É kóh! May dhéhay páspán ant May zemin ant o ázmán ant É gatth o gar, é talár o sangar, é zéd o kahchar É meskén maydán o patth o gréshag!! É kahn o shahju o kawr o kilag, Balóchay shán ant!! May rájay ázátiay neshán ant!! Modám é nárahá janán ant!! Dán yakk estálé hast mánit Mán ázmáná!!! Dán róchay rozhnái hastagár ent! Mán jaháná Dán máh rók ent!! Shapcherágén!! Dán bám rokshit Gerók shahmit!! Man saddak án!! Man delá yakin án Balóchay bárig allamá kayt Balóchay bárig allamá kayt Aprél-1982 Macch _Mobárek Kázi_