*Wáb Gendag Lóthit* ( Delgósh: É habar cha Sabá Dashthiáriay yakk golgedáréá zurag butagant. ) Wáb gendag lóthit, wábá aybé nést. Bechár ráján wáb distag, marchi é jágahá sar bitagant. To man wáb gendagá án, Balóchay áendag róshen ent, padá é nókén dawrá ke anchén jáwaré pédá bitag, á jáwará wa sábet kotag ke Balóch zendag buagá Hodáyá pédá kotag. Sayad Háshomiay yakk shayré, goshit: Sakmerén rájáni hamok dahl ent sakmerén Cha wati zántá cha boná wallesh gwatkagat. Yani har zóráké atkag, áiá goshtag adhay man é ni gwatkag, é ni padá churk najant, padá pád nayayt. Shahnámahá goshtag ke yakk Balóché pasht nakaptag, Perdósiá wati Shahnámahá goshtag. Yá agan Gajar Balóchá koshit, dawr dant, yá Panjápi koshit, dawr dant, á goshit, "Bá é halás bant.", bale na é gésh buán ant. Hamé hesábá gésh buán ant ke mardom hayrán bit. To Balóch zendagén rájé, zendag buagay wástá o zendagén ráj záher ent, á dráhén kárán kanagá ón delmánag bit ke áiá zendag bekanant. To áyáni tahá masterén kár mani nezará wati ráji pajjárá pahrézag ent, o áiá kanant Balóch. _Sabá Dashtiári_