*Taw Padá Byá* Emróz wati mahtalén gámáni sawádá Pash(t) kaptagén bechkandán beryán kanán kant Wayránián shengénit padá chammay saruná Má gong bebén, ars warén, Ják janén, dard Má drost gayábáni mosáperchakén shabjat Má drost wati dózahén pásáni sepáhig Má drost tai wazhbóén mehráni wadárig Má drost ganók yawwadhá, yawwadhá réthá Rózardmojén gwátay talab mayl nadárant Bé matlabá ágáhiay nimónán sar o chér Békaypén zamánag wati hóshámay galá ent É tonn may kópagay kabráni mayár ent Hankénzadén nawbatán ómán wadár ent Ehsánay wapáyáni mohobbat may sará ant Dhokkálokay wahmáni hazánagtabén donyá Pash(t) kaptag toshé zendagi angat! Taw padá byá Kámuay namiránén namiránay zahirán Láchárén Karáréay wábáni bahárán Dar géj, Ragámay padá wazhzémerén sahtán Sayláná bekandén, Pash(t) kaptag toshé zendagi angat, Taw padá byá Pérózay hamok shirkenén thappán kanén darmán Jamiá wati rástén negáhán kanén gardén Abdálén Samir ant o shaphájatén Manzur Shishaggamén Jommahay peryát bolórán Shayhakkay mazantawkalén Hájién kalátán Gálebwadhén mawlánag o mastánahén mardán Koll hamdelén yárán o ranginén golábán Dáktarchakén déwánagián kópagán dranjén Chamrókén wati Sonthoká pahrézén zaip ent Nótakzadén wábán padá pódén kanén warná Nódántabén teblén bozergáni dayárá Emdáday hodáchádhén mehráni baheshtá Pash(t) kaptag toshé zendagi angat, Taw padá byá! Wábáni pad o péshá sapar ágah ent angat Gimortagant sangat.... _Mólom Cherág_