*؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم أبنة قلبي ❤`* *❴🔢❵الـــبـــــــــــ❴1️⃣❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* Stories 📖: #أبنة_قلبي #بقلم_ياسمين_الشام #الجزء_الأول وصل عالمطار بعد معاناة طويلة مع ازمة السير نزل نظاراته وصار يتطلع حواليه بدور عالشخص إللي جاي لحتى يستقبله وأخيراً سمع النداء بيعلن عن وصول الرحلة القادمة من إيطاليا بلشوا الركاب يتوافدوا على صالة الأستقبال ومن بينهم صبية صغيرة مابيتجاوز عمرها ال 20 سنة كانت بتمشي وهي بتجر حقيبتها وتتلفت حواليها كانت حاسة بغصة لاول مرة بتشعر بنوع من الخوف والضياع لأول مرة بتخطي هيك خطوة وبتمشي بطريق مجهول مابتعرف عواقبه … طلعت من شرودها لما اصطدمت بشي صلب فقدت توازنها بس حست على إيدين سندتها لحتى يمنعها من الوقوع بعدت خصل شعرها عن عيونها وبعدت عنه بدون ماتتطلع عالشخص أللي كان لساه ماسكها من توترها صارت ترتب تيابها وقالت : سوري ما أنتبهت ولفت وجهها لحتى تمشي وقفها صوته الخشن أنصدمت لما سمعت أسمها منه… * … إليانا… * ألتفتت عليه وكانت الصدمة: هو نفسه يا إيلي أكيد هو بعده متل ما كان ما اتغير حافظة صورته بذاكرتي مستحيل أنساه ~~~~~~~~~~ ب فيلا عائلة المالك بالصالة الكل مجتمعين وقاعدين حوالين الجد كبير العيلة إللي كان باين عليه التوتر بس حاول ما يبين هالشي عليه أتطلع بساعته … رجع بذاكرته لقبل عشر سنين فلااااااش باااااك سالم: بابا أفهمني مرتي ما دخلها بإللي عمله أخوها كيف بتطلب مني طلقها عبد الرؤف: بس أخوها هاد بكون قاتل أخوك يا ابني… سعيد اخوك إللي قتلوه ظلم بس لحتى ما يفضح شغلهم الوسخ كيف رح تقدر تعيش مع أخت المجرم إللي قتل قطعة من لحمك ودمك فهمني كيف رح تأمن على بنتك مع هيك عيلة مجرمة مرتك هي إللي خططت معه وقتلوه بنص بيتك سالم: موت أخي كسر ضهري يا بابا بس بشو أحلفلك أنو سمر ما عندها علم بكل أعمال اخوها فاروق وهي ماكانت بتعرف إنه مخطط لقتله أنا متأكد من هالشي كان ملعوب من فاروق ونحنا عندنا بنت يا بابا مافكرت فيها كيف رح تعيش بعيدة عن امها عبد الرؤف: اكيد مرتك كان عندها علم بهالشي مع هيك سكتت إذا ما بتطلقها لسمر وبتبعتها لعند أخوها مزلولة لا أنت أبني ولا أنا بعرفك وهاد آخر كلام عندي سالم: أتطلع بأبوه بنظرة أسى: وأنا رح ضل عند كلامي بابا ومارح أتخلى عن سمر بسبب أخوها وبرجع بقلك ماكانت بتعرف أنه أخوها بيشتغل هالشغل الوسخ رح آخد مرتي وبنتي وأطلع من حياتكن ومن البلد كلها بدي نعيش بعيد عن كل هالمشاكل وأعتبرني متت مع سعيد بخاطرك يا بابا باااااااك عبد الرؤف (الجد) : طلع المنديل ومسح دمعة نزلت من عينه بدون ما حدا يحس عليه (سامحني يا أبني ماكنت بعرف أنه هداك كان آخر لقاء بيننا ليش تركت أبوك ورحت وحرقت قلبي عليك) عبد الرؤف: وين ضل هالولد كأنه أتأخروا !! سليمان: الغايب عذره معه بابا يمكن عالق بأزمة سير سامان بهمس لأخته وأمه : والله لو يعرف أخي أنه جدي قال عنه ولد غير لينتحر حلا: ههههههههه بس بتعرف كتير متشوقة لشوف بنت عمي سالم بتكون أتغيرت كتيير هلأ أمينة: حاج تتهامسوا أنتَ وياها مو شايفين الجو مكركب وجدكن شكله تعبان بس عم يكابر خايفة يصرله شي قاطعهم صوت أم يحيى الخادمة يا بيك يا خانوم… آرام بيك وصل ومعه الخانم الصغيرة الكل وقفوا لأستقبالهم ما عدا الجد إللي ضل قاعد مكانه وعيونه ضلت معلقة عالباب آرام: دخل لجوا وسلم عليهم و البنت كانت تمشي وراه وهي منزلة راسها مو خوف ولا خجل بس كان الكره واضح على ملامحها عاشت بهالفيلا طفولة سيئة كتير عاشت فيها شغلات بشعة مستحيل تنساها أمينة: اهلا وسهلاً فيكن يا ولاد (قربت منها وفتحتلها إيديها) إيلي حبيبتي ماشاء الله شو كبرانة وحليانة تعالي لحضني إليانا: رفعت راسها وأتطلعت بعيونها وشافت فيهم الحنية إللي ذكرتها بإمها أستجابت لحضنها يمكن هاد كان أكتر شي كانت بحاجته بهاللحظة لحتى تستمد بعض من القوة لحتى تتجاوز الشعور السيء إللي جواتها حلا: شو إيلي مابدك تسلمي على بنت عمك (مع ضحكة) إليانا: سلمت على حلا وأتقدمت لتسلم على عمها باست إيده وسلمت على سامان وأتوجهت لعند الجد مسكت إيده وباستها وهي عم تتذكر كلامه وصراخه على أبوها بآخر لقاء بينهم عبد الرؤف: أهلا وسهلاً يا بنتي إنتِ من اليوم ورايح بين أهلك وعيلتك والله بيشهد مارح نقصر معك بشي ونعوضك عن أهلك الله يرحمهم إليانا: أبتسمت بس كانت تخفي غصتها وهي تتذكر كيف فقدت أهلها بحادث سير: ردت عليه ببرود شكراً جدي أمينة: حلا بنتي خدي إيلي على غرفتها مشان ترتاح لبين ما يجهز الغدا إليانا: طلعت مع حلا على غرفتي وساعدتني بترتيب تيابي كنت حاسة المكان غريب كتير علي غمضت عيوني وبصعوبة لقدرت اغفى وأرمي كل الأفكار من راسي ~~~~~~~ آرام: وأنا طالع أرتاح شوي بغرفتي فيقوني عالغدا سامان: حلا بيت عمك أيمتى جايين حلا: شوي وبيوصلوا الله يستر من الصبح عم أدعي ما يصير مشكلة خايفة يحقدوا عالبنت بسبب الماضي سامان: شو هالحكي الماضي راح وهي مادخلها بشي ارمي هالأفكار من راسك الكبير هاد وفوتي ساعدي أمك بالغدا حلا: حاضر سامان أفندي رح أخليلك الجو لتحكي مع حبيبة القلب سامان: طيري من وجهي احسن ما يطلع جناني عليكِ هااا حلا: ههههههه لا دخيلك خلص ليكني طرت كل شي إلا جنانك يطلع…… ~~~~~~~ فتحت عيونها على طرقات خفيفة عالباب صارت تتلفت حواليها شوي لحتى أستوعبت المكان إللي هيه فيه قامت على مضض وفتحت الباب كانت حلا بوجهها حلا: شهقت: ييييي لهلأ ما جهزتي حالك وصلوا بيت عمي والغدا جاهز إليانا: لما سمعت بأسم بيت عمها أتبدلت ملامحها وحست بوخز بقلبها والخوف اتملك منها حلا: إيلي إنتِ منيحة وين صافنة إليانا: اه … اي منيحة انتبهت على حلا أنها لابسة حجاب بعكس الصبح … حلا إنتِ محجبة؟ حلا: أي حبيبتي كل بنات العيلة متحجبين وإنتِ كمان مو حابة تتحجبي إليانا: إن شاء الله كتير بحب الحجاب بس ولا مرة حدا شجعني عليه مع انه ماما الله يرحمها كمان كانت محجبة حلا: على راحتك حبيبتي ألمهم تكوني مقتنعة فيه بس ما بوعدك آرام يضل ساكت ههههه إليانا: هههه لساه عصبي وغيور متل زمان ليكي حلا خليكي بلبس بسرعة وبننزل مع بعض …… خلصت لبس ونزلت مع حلا كانوا الكل مجتمعين سلمت عليهم السلام عليكم الكل: وعليكم السلام إليانا: قربت بتوتر وسلمت على مرت عمها ضحى وبنتها سيما وردوا سلامها ببرود ورمقوقها بنظرات كلها حقد وصلت لعند أيسر ماقدرت تطلع بعيونه إللي كانوا بيلمعوا بطريقة غريبة سلمت عليه وشد على إيدها لدرجة وجعها بعدت عنه وأجتمعوا الكل على سفرة الغداء بهاللحظة أدركت حجم المشاكل إللي ممكن تواجهها لقدام المكتوب مبين من عنوانه (كوني قوية يا إليانا رح تواجهي الكل ومارح تخافي من حد إنتِ كبرتي وماعدتِ إيلي الصغيرة إللي كانت تركض وتبكي وتتخبى) . . الشمس بلشت تغيب وتختفي ورا الجبال منظر الطبيعة بهالوقت بكون كتيير حلوو كانت واقفة جنب المسبح الكبير وبتتأمل ألوان الشمس الممزوجة مع الطبيعة كانت شاردة وضايعة لما حست انه في خطوات عم تقرب منها _ إليانا… شو عم تعملي لحالك هون إليانا: رام… آرام: أبتسم: لسى متذكرة كنتي تناديلي رام وانا عصب وأحكيلك أسمي آرام إليانا: وأنت الوحيد إللي كنت تناديلي إليانا بعكس الكل بنادولي إيلي آرام: أسمك جماله بحروفه … كنتي صغيرة وقتها إليانا: وهلأ كبرت بنظرك ؟ آرام: بنظري رح تضلي طفلة لو مهما كبرتي الطفلة إللي كانت تحتمي فيني على طول من سامان وأيسر إليانا: وأنت تحكيلي يا بنت قلبي آرام: معقول ما نسيتي! !! إليانا: أبتسمت و رجعت أتبدلت ملامحها لما أتذكرت أيسر … أسمه كان كافي يدخل الرعب لقلبها … ألتفتوا للصوت إللي إجاهم عن قرب * آرام !! حبيبي شو عم تعمل هون صرلي ساعة عم دور عليك آرام: شوفي سيما في شي صاير؟ سيما: حاوطت خصره وسندت راسها على كتفه: لا مافي شي بس أشتقت لخطيبي وأجيت دور عليه ( كانت تتقصد تعمل هيك قدام إليانا) آرام: كان مركز بعيونه عليها ليعرف ردة فعلها كانت ملامحها باردة وباين عليها الصدمة إليانا: أنصدمت لما قالت خطيبي يعني رام خطبها ورح يتزوجوا !!! حلم الطفولة أتبخر ………… - ألف مبروك … أسمحولي أنا بدي أطلع لعند حلا… تركتهم وطلعت على غرفتي لحتى أسمح لدموعي تنزل بعيد عنهم مستحيل خلي اي حد يشوف ضعفي … بس أنا ليش هيك زعلانة ليش حاسة حالي مخنوقة معقول لساتني محتفظة بذكريات الطفولة؟ معقول لهلأ متمسكة بالوهم!!!!!! فتحت الدفتر وصارت تكتب ~~~~~~~~ إبنة قلبي~ لطالما كانت تسعدني تلك الكلمات تتسلل إلى قلبي بلطف ليستكين بها تلك الطفلة ذات العشرة أعوام لم تكن تفطن معناه جيداً ولكن كل ما يهمها هو صاحب تلك الكلمات يالسعادة قلبها حين أحتويتها بقلبك ونالت شرف الأبوة منك ولكن هل مازالت إبنة قلبك المدللة أم أستبدلتها بأخرى! ! هل طفلتك المددلة أصبحت يتيمة الآن؟!! ( معقول حب الطفولة يتحول لحقيقة وتعيشه من طرف واحد … وأيسر شو دوره بالقصة وليش إليانا خايفة منه هيك؟) #يتبع… يـــــــــ͢ـོ͓ـــتبــــــــــــــོـ͓ـــ͢ــ؏ ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C `