په ایران کې د ځینو افغانانو په شمول لسګونه کسان د اسراییلو د جاسوسۍ په تور نیول شوي د ایران امنیتي ادارو لسګونه کسان له اسراییلو سره د اړیکو په تور نیولي دي. د ایران دولتي اژانسونو راپور ورکړی چې لږ تر لږه ۳۰ تنه په همدان، ۲۲ تنه په قُم او ۲ تنه په تهران کې نیول شوي. د ایران قضایه قوې اړوند میزان خبري اژانس په خپل ټیلیګرام کې د دوو کسانو د اعتراف ویډیو خپره کړې. په دې ویډیو کې د ایران د پولیسو ویاند سردار منتظر المهدي ادعا کړې چې د تهران په لویدیځ کې دغو دوو «غیرمجاز بهرنیو اتباعو» د اسراییلو رابط ته د ایران د دولتي راډیو ټلویزیون او د یوه چارواکي ادرسونه د وټسپ له لارې شریک کړي وو. هغه ادعا کړې چې دغو کسانو د هر یوه ادرس په بدل کې دوه زره ډالره ترلاسه کړي. په دې ویډیو کې چې کره والی یې ازادي راډیو نه شي تاییدولی ظاهراً دوه افغان کډوال اعتراف کوي چې د صداوسیما او د یوه بل چارواکي ادرسونه یې په وټسپ کې یوه کس ته ورلیږلي وو. د ایران امنیتي ادارې د جعلي او جبري اعترافونو په اخیستلو کې شهرت لري او اکثر داسې پېښ شوي چې له بنده ازاد شویو کسانو وروسته ویلي چې د دوی اعترافونه په زور اخیستل شوي وو او ناسم وو. د طالبانو حکومت د افغان کډوالو په تېره د اسراییلو د جاسوسۍ په تور د ځینو افغانانو د نیولو په خبرونو تبصره نه ده کړې. د راپور پاتې برخه د ازادي راډیو په پاڼه کې لوستلی شئ https://smarturl.click/dwJEo