ગુજરાતમાં હવામાન વિભાગે આગામી પાંચ દિવસ ભારે વરસાદની આગાહી કરી છે. વલસાડ, નવસારી અને ડાંગ જિલ્લામાં હવામાન વિભાગે વરસાદનું રેડ એલર્ટ આપ્યું છે. ડાંગમાં છેલ્લા બે દિવસથી અવિરત વરસાદ વરસી રહ્યો છે.ભારે વરસાદને કારણે નદી નાળા છલકાઈ ગયાં છે. બીજી તરફ અનેક કોઝ વે પર પાણી ફરી વળ્યાં છે. અંબિકા નદી પરનો ગીરા ધોધ અને શંકર ધોધ પણ સક્રિય થઈ ગયો છે. જિલ્લાની ચાર નદીઓમાં ભારે વરસાદને કારણે ઘોડાપૂર આવ્યાં છે. વરસાદને કારણે જિલ્લામાં 20 રસ્તા બંધ થઈ ગયાં છે.