جیکب آباد ءُ چاگے ارش ءِ زمہ واری بی آر جی ءَ من اتگ چارشمبے، 18 جون 2025 زرمبش بلوچی https://zrumbesh.com/13226/ بلوچ ریپبلکن گارڈ ( بی آر جی ) ءِ جارکش دوسین بلوچ ءَ وتی شنگ کرتگیں درشانے ءَ گوشتگ کہ بی آر جی ءِ سرمچاراں مرچی جیکب آباد ءَ پسانی منڈی ءِ نزیک ءَچہ شال ءَ پنجاپ ءَ روکیں جاپر ایکسپریس ریل گوں چیرکرتگیں شورھاں نشانگ کرتگ، تراک ءِ آسر ءَریل ءِ شش بوگی چہ پٹڑی ءَ در اتکگ اَنت۔ آئی ءَ گوشتگ کہ جاپر ایکسپریس ءَ زورگریں پاکستانی پوج ءِ کارمند پہ وتی روگ ءُ آھگءَ کار مرز کن اَنت، دیم ءَ ھم مئے ارش ترند بنت۔ جارکش ءَ گوشتگ کہ بی آر جی ءِ سرمچاراں زی بیگاہ ءَ چاگےءِ ھند یکمچ ءَ پہ ریکوڈک ءَ کنٹینر بروکیں گاڑیءِ سرءَ تیرگواری کرتگ، ارش ءَ گاڑی تاون بیتگ۔ دوسین بلوچ ءَ وتی درشان ءِ گڈی ءَ ارشانی زمہ واری من اتگ۔